اسلام آباد۔27فروری (اے پی پی): ازبکستان ءِ صدر شوکت میرزیویف ءِ دعوت ءِ پد ءَ مزن وزیر محمد شہباز شریف ءَ 25 ءَ بگر داں 26 فروری ءَ جمہوریہ ازبکستان ءِ سرکاری تر ءُ تاب کتگ۔ پنچ شمبے ءِ روچ ءَ درئی کارانی کارگس ءِ نیمگ ءَ چہ جاڑی بوتگیں بیان ءَ تر ءُ تاب ءِ ساھت ءَ پاکستان ءُ ازبکستان ءِ نیام ءَ گہتریں، راجدپتری ءُ براتی سیادی آنی سر ءَ زور پر دات ءُ دوئیں ملک آنی سروکی ءَ وت مہ وتی کمک ءَ را گیش مھکم کنگ ءِ واستہ وتی جزم ءِ سر ءَ پدا زور پر دات۔ تر ءُ تاب ءِ ساھت ءَ دوئیں ملک آنی نیمگ ءَ تجارت، رابطہ، دود ءُ ربیدگ، ءُ مردم آنی نیام ءَ تبادلہ ءِ وڑیں جتا جتائیں پڑ آنی تہ ءَ کمک ءَ را گہتر کنگ ءِ واستہ وتی وژن ءِ سر ءَ شیئر کنگ بوت۔ بیان ءِ گیش گوشت کہ گپ ءُ تران ءِ ٹرانس افغان ریلوے ءُ تجارتی راہداری ءِ وسیلگ ءِ دمگی رابطہ ءِ دیمروئی ءِ سر ءِ زور پر دیگ بوتگ، اے خطہ ءِ امن، مھکم ءُ وشھالی ءِ دیمروئی ءِ یکجاھیں مول ءُ مراد ءِ رد ءِ اِنت۔ مزن وزیر ءَ 25فروری ءَ تاشقند ءَ پاکستان ءُ ازبکستان بزنس فورم ءَ گوں گشتانک ھم دات ایشی ءِ تہ ءَ دوئیں ملک آنی نامداریں بزنس رہشون یکجاہ بوتگ اَنت تانکہ سرمایہ کاری ءِ موہ ءُ بوت کنوکیں یکجائی منصوبگ آنی پٹ ءُ پول کنگ بوتگ۔ بیان ءِ رد ءَ گوستگیں سال آنی تہ ءَ پاکستان ءُ ازبکستان ءِ نیام ءَ سیادی ءَ را مزنیں تک ءِ رابطہ، اقتصادی شریکداری ءِ تہ ءَ گیشی، ءُ دمگی ءُ میاں اوستمانی فورم آنی تہ ءَ کمک ءِ وسیلگ ءَ مھکم کنگ بوتگ۔ تر ءُ تاب ءِ آسر ءَ بازیں تپاک نامہ نامہ ءُ منوگری آنی سر ءَ دستخط کنگ بوت کہ ایشی ءِ مول ءُ مراد یکجائی واھگی ءِ شوبگ آنی تہ ءَ کمک ءَ را گیش کنگ اِنت۔ مزن وزیر ءِ تر ءُ تاب ءِ گڈ سر ءَ یکجائی جار ھم جاڑی بوت۔
