اسلام آباد۔ 27 فروری (اے پی پی) اسپیکر قومی اسمبلی سردار ایاز صادق آپریشن سوئفٹ ریٹارٹ نا 6 سال پورو مننگ آ سلہہ بند فوج ءِ خراج تحسین پیش کرساپارینے کہ پاک فوج وطن عزیز نا دفاع کن بے مٹ قربانی تسنے۔ 27 فروری 2019ء آ سلہہ بند فوج پک کرے کہ او تینا سیم تا دفاع نا پبی لائخی تخک۔ پنچ شنبے نادے آ تینا بیان اٹی سردار ایاز صادق پارے کہ آپریشن سوئفٹ ریٹارٹ اٹی پاکستانی ایئرفورس تینا عسکری لائخی تا درشانی ءِ کرسا بھارتی دراندازی نا پبی ورندی ءِ تس۔ پاک فوج انا بہادر ورناک ملک انا دفاع کن ہروخت تیار ءُ۔ پاکستانی قوم تینا بہادر و لائخ پاک فوج آ گمر کیک۔ اسپیکر سردار ایازصادق پارے کہ لمہ وطن نا دفاع کن سلہہ بند فوج انا قربانی تے مدام یات تخنگک۔ مچ آ قوم ملک انا دفاع کن تینا پاک فوج اتون سیسہ پلائی مروک دیوال اسے آنبار سلوک ءِ۔
