اسلام آباد۔ 27 فروری (اے پی پی) بنجائی وزیرداخلہ محسن نقوی آپریشن سوئفٹ ریٹارٹ نا 6 سال پورو مننگ آ پاک فضائیہ نا بہادر شاہین تے زبردست لوز آتیٹی خراج تحسین پیش کرینے۔ اوپارےکہ 27 فروری 2019 ء آ پاکستانی شاہینک دشمن ءِ شکست تسر و دشمن ءِ جارحیت نا پبی ورندی تسر۔ پنچ شنبے نادے آ تینا بیان اٹی اوپارے کہ وطن عزیز نا فضائی دنگ انا رکھ اکن ہمہ وخت تیار پاک فضائیہ نا شاہین تے خراج تحسین پیش کینہ ہرافک دشمن نا ناپاک عزم ءِ مش تا کریر۔ بنجائی وزیر داخلہ محسن نقوی پارے کہ پاک فضائیہ تینا کسبی لائخی تا درشانی ءِ کرسا دشمن نا فضائی واک انا غرور ءِ مش تا کرے۔ پاکستان نا شاہینک جیرت، شجاعت و بہادری نا انمٹ داستان اس نوشتہ کریر ہراڑآ مچ آقوم ءِ گمر ءِ۔ اوپارےکہ 27 فروری نادے پاک فضائیہ نا تاریخ نا روشنا بشخ اسے و قوم پاک فضائیہ نا شاہین تا بے مٹ خذمت آتے مدام یات تخک۔ آپریشن سوئفٹ ریٹارٹ پاک فضائیہ نا تاریخی آپریشن ئس ہراٹی پاکستان دشمن نا فضائی دنگ اٹ دخل اندازی آ دمدستی و گچین ورندی تس۔ وزیرداخلہ پارے کہ ننے پی اے ایف نا سرسہبی تیا گمر ءِ و پاک فضائیہ نا نرزور گلزادہ غاتا بے مٹ جوزہ غاتے سلام پیش کینہ۔
