اسلام آباد۔ 27 فروری (اے پی پی) ہڑتوم آکنڈآتا و کثیر الجہتی شریدار آتا کنڈآن پاکستان ءِ برجامالی سال انا اولیکو ہفت تُو اٹی جم وڑاٹ 4.584 ارب ڈالر نا درملکی کمکاری دوئی مسنے۔ وزارت اقتصادی امور نا کنڈآن جاری کروک حساب وکتاب نا رداٹ جولائی آن جنوری اسکان نا مد اٹی پاکستان ءِ ہڑتوم آ کنڈآتا و کثیر الجہتی شریدار آتا کنڈآن جم وڑاٹ 4.584 ارب ڈالر وخت اس کہ جنوری ٹی 829.84 ملین ڈالر نا درملکی کمکاری دوئی مس۔ مالی سال انا اولیکو ہفت تُو اٹی کثیر الجہتی شریدار آتا کنڈآن پاکستان ءِ 2.322 ارب ڈالر وخت اس کہ جنوری ٹی 458.01 ملین ڈالر نا درملکی امداد دوئی مس۔ کثیر الجہتی شریدار آتیان چین نا کنڈآن پاکستان ءِ306.47 ملین ڈالر ، ایشیائی شونداری بینک 1.048 ارب ڈالر، ایشین انفراسٹرکچر انویسٹمنٹ بینک 60.22 ملین ڈالر، ای آئی بی 10.53 ملین ڈالر، آئی بی آر ڈی 201.50 ملین ڈالر ، آئی ڈی اے 573.83 ملین ڈالر، ایفاد 26.12 ملین ڈالر، اسلامی شونداری بینک 134.19 ملین ڈالر، اسلامی شونداری بینک(گونڈمدی) 265.72 ملین ڈالر و اوپیک فنڈ انا کنڈآن 1.40 ملین ڈالر نا درملکی کمکاری دوئی مس۔ ہڑتوم آ کنڈآتا شریدار آتا کنڈآن پاکستان ءِ برجامالی سال انا اولیکو ہفت تُو اٹی جم وڑاٹ 329.10 ملین ڈالر نا درملکی کمکاری دوئی مس ہرافتے ٹی چین نا کنڈآن 99.17 ملین ڈالر، فرانس 102.57 ملین ڈالر، جرمنی 26.09 ملین ڈالر، جاپان 12.71 ملین ڈالر، سویلی کوریا 11.75 ملین ڈالر، کویت 24.40 ملین ڈالر، سعودی عرب 12.37 ملین ڈالر و امریکہ نا کنڈآن 40.05 ملین ڈالر نا درملکی امداد اوار ءُ۔ وزارت اقتصادی امور نا رداٹ پیشن نا کمرشل وام تا مد اٹی 500 ملین ڈالر وخت اس کہ نیا پاکستان سرٹیفکیٹ نا دروشم اٹی 1.126ارب ڈالر دوئی مس۔
