تاشقند۔26فروری (اے پی پی):مزن وزیر محمد شہباز شریف ازبکستان ءِ دو روچی سرکاری تر ءُ تاب ءِ سرجم کنگ ءَ پد تاشقند ءَ چہ اسلام آباد ءَ روادگ بوتگ۔ ازبکستان ءِ مزن وزیر عبداللہ عاریپوف ازبک وزیر درئی کار بختیار سیدوف ، تاشقند ءِ میئر شوکت عمر زاکوف، ازبکستان ءِ پاکستان ءَ سفیر علی شیر تختائیف ءُ پاکستان ءِ ازبکستان ءَ سفیر احمد فاروق ءَ ھوار مزن تکی سفارتی ءُ سرکاری کارندہ آں مزن وزیر ءَ را گڈ بائی کت۔ تاشقند بالی پٹ ءِ سر ءَ مزن وزیر ءُ پاکستانی ڈل ءَ را برو پہ ھیر کنگ ءِ واستہ ازبکستان ءِ سلاہ بندیں ارد ساڑی ات۔ مزن وزیر ءَ ازبکستان ءِ آجوئی یادگار ءِ تر ءُ تاب کت ءُ گلدستہ ایر کت۔ مزن وزیر ءَ ازبکستان ءِ دیمروئی ءُ وشھالی ءِ واستہ نیکیں واھگ آنی درشان کت ءُ ازبکستان ءِ دیمروئی ءِ واستہ صدر شوکت میرزیویف ءِ وژن ءِ توسیپ کت۔ وتی تر ءُ تاب ءِ ساھت ءَ مزن وزیر ءَ ازبکستان ءِ صدر شوکت میرزیویف ءِ گوما دو نیمگی گند ءُ نند کت ایشی ءَ پد دوئیں ملک آنی ڈل آنی تک ءَ گند ءُ نند بوت۔ گند ءُ نند ءِ ساھت ءَ ازبکستان ءُ پاکستان ءِ نیام ءَ دو نیمگی تجارت ءِ کساس ءَ را 2 ارب ڈالر ءَ سر کنگ ءِ سر ءَ تپاک کنگ بوتگ، دمگی رابطہ ءَ را گیش کنگ ءُ ازبکستان اوگانستان ءُ پاکستان ریلوے منصوبگ ءِ سر ءَ عمل کنگ ءِ سر ءَ تپاک کنگ بوتگ۔ دوئیں ملک آنی نیام ءَ جتاجتائیں شوبگ آنی تہ ءَ کمک ءِ واستہ مفاہمت یادداشت ءُ معاہدہ آنی مٹ ءُ بدلی ھم کنگ بوت۔ مزن وزیر ءُ ازبکستان ءِ صدر شوکت میرزیویف ءَ یکجائی پریس کانفرنس ءَ گوں گشتانک دیان ءَ پاکستان ءُ ازبکستان ءِ نیام ءَ مھکمیں ءُ براتی سیادی ءِ سر ءَ زور پر دات ءُ جتا جتائیں شوبگ آنی تہ ءَ وت مہ وتی کمک ءَ را گیش دیمروئی دیگ ءِ ضلورت ءِ سر ءَ زور پر دات۔ مزن وزیر ءُ پاکستانی ڈل ءَ صدر شوکت مرزایف ءِ میزبانی ءَ نان ءِ نان ءِ ھم بھر زوری کت۔
