تاشقند۔26فروری (اے پی پی): پاکستان ءُ ازبکستان ءَ دفاع، ٹیکنالوجی، تکنیکی کمک، میڈیا ءُ ورنا آناں بااختیار کنگ ءِ شوبگ ءَ دو نیمگی کمک ءَ را گیش مھکم کنگ ءِ واستہ بازیں معاہدہ ءُ مفاہمت نامہ ءِ سر ءَ دستخط کتگ اے دستاویزات ءِ سر ءَ چار شمبے ءِ روچ ءَ مزن وزیر ءِ تر ءُ تاب ءِ ساھت ءَ دستخط کنگ بوتگ۔ زایف۔ دوئیں رہشون آنی دو نیمگی گند ءُ نند ءُ ڈل ءِ تک ءَ گپ ءُ تران ءَ پد مزن وزیر شہباز ءُ صدر شوکت مرزایوف ءَ دستخط ءِ مراگش ءَ بہر زرتگ، وھدیکہ دوئیں نیمگ ءِ حکام ءَ جتا جتائیں شوبگ آنی تہ ءَ کمک ءِ معاہدہ ءُ مفاہمت نامہ ءِ پیسر ءَ دستخط کتگیں دستاویزات ءِ تبادلہ کتگ۔ نائب مزن وزیر ءُ درئی کارانی وزیر محمد اسحاق ڈار ءُ ازبکستان ءِ درئی کارانی وزیر بختیار سیدوف ءَ سفارتی پاسپورٹ ءِ واھند آنی واستہ ویزہ ءِ چہ ھلاسیں سفر ءِ شوبگ آنی تہ ءَ معاہدہ ءِ ھوالگ ءَ دستاویزات ءِ بدلی کت، فوجی انٹیلی جنس، تہی کار، سفارتکاری ءِ اسٹریٹجک ءُ تکنیکی ٹریننگ۔ سائنسی پٹ ءُ پول، ٹیکنالوجی، ءُ جدت ءِ پڑ ءَ کمک ءِ ھاتر ءَ دوئیں نیمگ آنی نیام ءَ دگہ یک بین حکومتی معاہدے ءِ سر ءَ دستخط کنگ بوتگ۔ وزیر تجارت جام کمال خان ءُ ازبکستان ءِ نائب مزن وزیر خدجایف جمشیدءَ کاگد ءِ بدلی کت۔ وزیر ءِ ھال ءُ اھوال عطا اللہ تارڑ ءُ ازبکستان ءِ راجی ھال رسانی ادارگ ءِ ڈائریکٹر جنرل کوچیموف عبدالسعادی ءَ دوئیں ملک آنی نیام ءَ رسانکدر ءِ سیادی ءِ پڑ ءَ کمک ءِ واستہ ایسوسی ایٹڈ پریس آف پاکستان ءُ ازبکستان ءِ ھال رسانی ادارگ ءِ نیام ءَ کمک ءِ ھوالگ ءَ دستاویزات ءِ بدلی کت۔ نائب مزن وزیر اسحاق ڈار ءُ تاشقند ءِ میئر شوکت عمر زکوف برانووچ ءَ لاہور ءُ تاشقند ءِ نیام ءَ مفاہمت ءِ دستاویزات ءِ بدلی کتگ، وھدیکہ لاہور ءُ بخارا ءِ نیام ءَ دوئیں شہرانی سیادی ءِ بابت ءَ مفاہمت نامہ ءِ سر ءَ ھم دستخط کنگ بوتگ۔ وزیراھوالکاری ءُ شنگ کاری عطاء اللہ تارڑ ءُ ازبکستان ءِ یوتھ افیئر ایجنسی ءِ ڈائریکٹر سعد اللائیف علیشیر ءَ مزن وزیر یوتھ پروگرام ءُ ازبکستان ءِ حکومت ءِ نیام ءَ ورنا آنی کار آنی ھوالگ ءَ ایم او یو آنی مسل آنی دیگ ءُ زورگ وت مہ وت کنگ بوت۔ ایشی ءَ ابید مزن وزیر شہباز شریف ءُ صدر ءِ مملکت ءَ مزن وزیر ءِ تر ءُ تاب ءِ آسر ءُ مزن تک ءِ اسٹریٹجک کوآپریشن کونسل ءِ پروٹوکول ءِ سر ءَ یکجائی جار آنی سر ءَ دستخط کت۔
