تاشقند۔26فروری (اے پی پی): مزن وزیر محمد شہباز شریف ءُ ازبکستان ءِ صدر شوکت مرزایوف ءَ دوئیں ملک آنی نیام ءَ تجارت، سرمایہ کاری، توانائی، دمگی رابطہ ءُ دود ءُ ربیدگ ءِ سیادی ءَ را گیش کنگ ءُ دو نیمگی تجارتی حجم ءَ را 2ارب ڈالر ءَ گیش کنگ ءِ سر ءَ تپاک کتگ۔ . چار شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءُ ازبکستان ءِ صدر شوکت مرزیوف ءَ تاشقند ءَ دو نیمگی گند ءُ نند کتگ۔ گند ءُ نند ءِ ساھت ءَ دوئیں ملک آنی نیام ءَ وت مہ وتی کمک ءَ را گیش دیمروئی دیگ ءِ ھوالگ ءَ ھاسیں رنگ ءَ تجارت، بنیاتی ڈھانچگ، توانائی، دمگی رابطہ، ءُ دود ءُ ربیدگ ءِ سیادی آنی ھوالگ ءَ گپ ءُ تران کنگ بوت۔ گند ءُ نند ءِ ساھت ءَ دوئیں راہشوناں پاکستان ءُ ازبکستان ءِ نیام ءَ 33سال ءِ سفارتی سیادی ءِ ساھت ءَ وت مہ وتی کمک ءِ تہ ءَ پیشرفت ءِ سر ءَ دل یکیمی ءِ درشان کت۔ دوئیں رہشون آنی تہ ءَ آیوکیں چار سال آنی تہ ءَ پاکستان ءُ ازبکستان ءِ نیام ءَ تجارتی کساس ءَ را 2ارب ڈالر ءَ سر کنگ ءِ سر ءَ تپاک کنگ بوتگ، ٹرانزٹ تجارتی معاہدہ (2021)، ترجیحی تجارتی معاہدہ (2023) ءِ سر ءَ جوانیں رنگ ءَ عمل کنگ، دوئیں ملک آنی ھاسیں اقتصادی زون آنی تہ ءَ سرمایہ کاری کنگ ءُ پاکستان ءُ ازبکستان ءِ کاروباری کمیونٹی آنی نیام ءَ کمک ءَ را گیش کنگ ءِ سر ءَ تپاک کتگ۔ دوئیں رہشون آں خطہ ءَ تجارتی ءُ دمگی رابطہ کاری ءِ دیمروئی ءِ واستہ ازبکستان اوگانستان پاکستان ریلوے منصوبگ ءِ کلیدی ارزشت ءِ سر ءَ تپاک کت ءُ منصوبگ ءِ سر ءَ عمل کنگ ءِ واستہ دوئیں ملک آنی جزم ءِ سر ءَ پدا زور دات۔ گند ءُ نند ءَ پاکستان ءُ ازبکستان ھاسیں رنگ ءَ ترمیزی، بخارا، لاہور ءُ کراچی ءِ نیام ءَ سیل ءُ سواد ءِ دیمروئی ءِ واستہ کمک ءِ سر ءَ ھیال ریچی کنگ بوت۔ دوئیں رہشوناں جہانی ءُ دمگی جیڈھ آنی سر ءَ وتی یکجائی جیڈھ آناں درشان کنان ءَ پائیدار دیمروئی ءُ جہانی امن ءُ ایمنی ءِ ھاترا میاں اوستمانی جیڈھ آنی گیواری ءِ تہ ءَ میاں اوستمانی ادارگ ھاسیں رنگ ءَ اقوام متحدہ ءِ کرد ءَ را دیمروئی دیگ ءِ ارزشت ءِ سر ءَ زور پر دات۔ مزن وزیر محمد شہباز شریف ءَ گند ءُ نند ءِ ساھت ءَ پاکستان ءُ ازبکستان ءِ نیام ءَ راجدپتری ءُ دود ءُ ربیدگی سیادی ءَ را گیش مھکم کنگ ءِ ضلورت ءِ سر ءَ زور پر دات۔ آئی ءَ گوشت کہ دوئیں ملک آنی نیام ءَ تجارتی ءُ اقتصادی کمک ءِ تہ ءَ گیشی ءِ واستہ نوکیں راہ آنی پچ کنگ ءِ ضلورت انت۔ مزن وزیر ءَ دمگی رابطہ کاری ءِ پڑ ءَ یکجائی منصوبگ آنی سر ءَ دلگوشی دیگ ءِ پاکستان ءِ جزم ءِ یک رند ءَ پدا گوشت۔ مزن وزیر شہباز شریف ءَ پاکستان ءُ ازبکستان ءِ نیام ءَ مھکمیں شریکداری ءَ را دوئیں ملک آنی دیمروئی ءُ وشھالی ءِ واستہ پائدگ مند لیک اِتگ ءُ سرجمیں خطہ ءِ واستہ ازبکستان ءِ صدر شوکت مرزایوف ءَ پاکستان ءِ گوما سیادی ءَ را گیش مھکم کنگ ءِ واھشت ءِ درشان کتگ۔ ازبکستان ءِ صدر ءَ گوشت کہ دوئیں ملک آنی نیام ءَ یکوئی کمک خطہ ءِ تہ ءَ استحکام ءُ دیمروئی ءِ واستہ سک باز ارزشت داریت۔ صدر مرزایوف ءَ پاکستان ءَ حکومت ءِ اقتصادی برجائی ءُ راجی دیمروئی ءِ گامگیج آنی توسیپ کت ءُ گوشت کہ ازبکستان پاکستان ءِ گوما تجارتی ءُ اقتصادی شری داری ءَ را نوکیں کوھد آنی سر ءَ سر کنگ ءِ واستہ جزمیگ اِنت۔ مزن وزیر شہباز شریف ءُ صدر مرزایوف ءِ نیام ءَ گند ءُ نند ءَ پد دوئیں ملک آنی ڈل آنی نیام ءَ مزن تک ءِ گند ءُ نند بوت۔ گند ءُ نند ءَ نائب مزن وزیر ءُ درئی کارانی وزیر محمد اسحاق ڈار، تجارت ءِ وزیر جام کمال خان، سرمایہ کاری ءُ نجکاری ءِ وزیر عبدالعلیم خان، بنجاھی وزیر ءِ اھوالکاری ءُ شنگ کاری عطا اللہ تارڑ ءُ ھاسیں کمکار طارق فاطمی ءَ بہر زرتگ۔ سیل ءُ سواد، توانائی، وانگ ءُ زانگ، دود ءُ ربیدگ، دمگی سیادی ءُ دفاعی شعبہ آنی تہ ءَ ھوار انت۔ دوئیں ملک آنی ڈل آناں یکجائی تارڑ آناں سر کنگ ءِ واستہ عملی گامگیج آنی سر ءَ زور پر دات۔
