تاشقند۔26فروری (اے پی پی): ازبکستان ءِ دو روچی تر ءُ تاب ءَ مزن وزیر محمد شہباز شریف ءِ شرپ ءَ چار شمبے ءِ روچ ءَ مزن وزیر ءِ شرپ ءَ یک شلیں وش آتک کنگ ءِ مراگش برجم دارگ بیت۔ ازبکستان ءِ صدر شوکت مرزایوف ءَ مزن وزیر ءِ تاشقند کانگریس سینٹر ءَ سر بوھگ ءِ پد ءَ آئی ءَ را گرمیں وش اتک کت۔ ازبکستان ءِ صدر شوکت مرزایوف ءُ مزن وزیر محمد شہباز شریف ءَ یک ءُ دومی ءِ واستہ جوزگی واھشت ءِ درشان کت۔ مزن وزیر ءَ را ازبکستان ءِ سلاہ بندیں اُرد ءِ جوانیں پوشاکیں دستہ ءِ نیمگ ءَ گارڈ آف آنر پیش کنگ بوت۔ اے موہ ءَ دوئیں ملک آنی راجی سوت ھم الہان کنگ بوت اَنت۔ مزن وزیر شہباز شریف ءَ وتی ڈل ءِ باسک آناں ازبکستان ءِ صدر ءَ گوں پجار کنائینت۔
