تاشقند۔ 26 فروری (اے پی پی) وزیراعظم محمد شہباز شریف نا اعزازا ٹی چارشنبے نادے آ داڑے باضابطہ بیابخیری دود اس اڈتننگا ہراازبکستان نا اِرادے ئی دورہ غاٹی ءِ۔ ازبکستان نا صدر شوکت مرزایوف کانگریس سینٹر تاشقند آبننگ آ وزیراعظم ءِ جم وجوش اٹ بخیرکرے۔ ازبکستان نا صدر شوکت مرزایوف و وزیراعظم محمد شہباز شریف گرم جوشی اٹ جوڑوبڑکریر و اسہ ایلو کن خیرخواہی نا جوزہ غاتا درشانی ءِ کریر۔ وزیراعظم ءِ ازبکستان نا سلہہ بند فوج انا چاق وچوبند دستہ گارڈ آف آنرپیش کرے۔ داوخت آ ہڑتوم آ ملک آتا قومی ترانہ ءِ ہم خلنگا۔ وزیراعظم شہباز شریف تینا ڈل انا باسک آتا ازبکستان نا صدر تون درستی راستی ءِ کرفے، ازبکستان نا صدر ہم تینا کابینہ نا وزیر آتے وزیراعظم شہباز شریف تون درستی راستی کرفے۔

متعلقہ مضامینمصنف کی طرف سے مزید