تاشقند۔ 26 فروری (اے پی پی) وزیراعظم محمد شہباز شریف اینو(چارشنبے نادے آ) تاشقند اٹی اختہ ءُ دے اس گدریفک۔ چارشنبے نادے آپی ایم آفس نا میڈیا ونگ آن جاری بیان نا رداٹ وزیراعظم ازبکستان نا صدر شوکت مرزایوف تون اوڑدہی کیک۔ ہڑتوم آ راہشون تا نیام اٹ ہڑتوم آ کنڈآتا اوڑدہی و ڈل آتا کہول آ اوڑدہی مریک ۔ وزیراعظم محمد شہبازشریف و ازبکستان نا صدر شوکت مرزایوف پاکستان و ازبکستان نا نیام اٹ چندی بشخ آتیٹی کمکاری نا مفاہمتی یات داشت و معاہدہ غاتیا دستخط نا دود اٹی شرکت و اسیجائی پریس کانفرنس آن تران کیرہ۔ اوکان پد وزیراعظم و ازبک صدر پاکستان و ازبکستان اسیجائی بزنس فورم اٹی شرکت و گپ وتران ہم کیرہ۔ وزیراعظم تاشقند اٹی جوڑ ٹیکنوپارک نا دورہ ءِ ہم کیک ہراڑے اودے ہندی وڑاٹ تیار کروک گڑاتا صنعتی یونٹ آتا دورہ ءِ کرفنگک۔

متعلقہ مضامینمصنف کی طرف سے مزید