اسلام آباد۔ 25 فروری (اے پی پی) صدر مملکت آصف علی زرداری باغ، ضلع خیبراٹی خوارج آتا برخلاف سرسہب آپریشن آ سیکورٹی فورس آتے خراج تحسین پیش کرے۔ ایوان ءِ صدر نا پریس ونگ انا رداٹ صدر مملکت کارروائی ٹی 10 خوارج آتے جہنمی کننگ آسیکورٹی فور س آتا بہادری نا ستاءِ کرے۔ اوپارے کہ پاکستان نا بہادر فوج فتنۃ الخوارج آتا سرکوبی کن سرسہب کارروائی کننگ ءِ۔ صدر مملکت دہشت گردی نا پورو چٹفنگ اسکان کارروائی تے برجاتخنگ نا عزم انا درشانی ءِ کرے۔ اوپارے کہ مچ آ قوم دہشت گردی نا برخلاف جنگ اٹی تینا سیکورٹی فورس آتون تفوک ءُ۔
