شکرگڑھ۔ 25 فروری (اے پی پی) بنجائی وزیر ڈٹ بندی شونداری و اصلاحات و خصوصی گام گیج پروفیسر احسن اقبال پارینے کہ حکومت ورناتا شونداری و تعلیم کن ہرممکن گام گیج کننگ ءِ و ملک ءِ شونداری نا کنڈآ دننگ کن سنبرینگوک ءِ۔ سے شنبے نادے آ یونیورسٹی آف نارووال اٹی اڈ ہلوک دود آن تران کرسا اوپارے کہ نارووال سپورٹس سٹی نا رونق آک بحال مننگ ءُ و ورناتے تعلیم و تفریح نا غٹ آسراتی فراوان کننگ کن حکومت سنبرینگوک ءِ۔ احسن اقبال پارے کہ ’’اڑان پاکستان‘‘ نا رداٹ ملک انا ہرکونہ ٹی یونیورسٹی و گوازی تا میدان تفنگک، پاکستانی ورناتیٹی بے پناہ لائخی ارے و اوفتے مشکل آتے وارخواہی تیٹی بدل کروئی مریک۔ بنجائی وزیر ارشد ندیم نا سرسہبی ءِ ورناتیکن اسہ درور اس گوندسا پارے کہ ننا نظریہ ورناتے کرینگ ہیل تننگ اف بلکن اوفتے شونداری نا وارخواہی فراوان کننگ ءِ ۔ اومستین نا سیاسی حالیت آتیا تران کرساپارے کہ اودے و اونا جماعت ءِ مستین اٹ انتقامی کارروائی تا شست کننگا ولے اوسختی تے برداشت کرے و کوک و پوہاڑآن بیدس تینا کاریم ءِ برجاتخا۔ اونا پاننگ ئس کہ حکومت ورناتا شونداری و تعلیم کن ہرممکن گام گیج کننگ ءِ و ملک ءِ شونداری نا کنڈآ دننگ کن سنبرینگوک ءِ۔
