اسلام آباد۔ 25 فروری (اے پی پی) وزیراعظم محمد شہباز شریف کویت نا قومی دے و یوم آزادی نا وخت آ امیر کویت شیخ مشعل الاحمد الجابر الصباح، وزیراعظم شیخ عبداللہ الاحمد الصباح و الس ءِ مبارکبادی تسنے۔ سے شنبے نادے آ پی ایم آفس نا میڈیا ونگ آن جاری بیان نا رداٹ وزیراعظم تینا تہنیتی کلہو اٹی پارے کہ او امیر کویت شیخ مشعل الاحمدالجابر الصباح و وزیراعظم شیخ عبداللہ الاحمد الصباح ءِ و کویت نا حکومت ءِ ایلم ریاست نا قومی دے و یوم آزادی نا وخت آ دلی مبارکبادی پیش کیک۔ اوپارےکہ داخوشی نا وخت آ نن درملکی جارحیت آن تینا آجوئی نا جشن ءِ اڈتننگ اٹ کویتی الس تون تفوک اُن۔ اوپارےکہ پاکستان وکویت نا ہڑتوم آکنڈآتا تعلقداری ننا اسیجائی تاریخ، مذہب و دودوربیدہ غا تالان ءِ، نن ہرمشکل وخت اٹی اسہ ایلو تون تفوک اُن، نن تینا تعلقداری تےپوسکن آ بڑزی تسکان سرکننگ، تین پہ تینی وڑاٹ فائدہ ئی کمکاری ءِ ودفنگ و علاقائی امن و شونہالی کن کویت نا سرکڑدہ غاتون اواری اٹ کاریم کننگ کن تیار اُن۔
