باکو۔24فروری (اے پی پی): مزن وزیر محمد شہباز شریف ءَ گوشت کہ پاکستان ءُ آذربائیجان ءِ نیام ءَ کاروباری کار آنی سبب ءَ معیشت ءَ را مھکم کنگ بیت، دوئیں ملک آنی نیام ءَ دیمپانی شوبگ ءَ کمک ءَ را گیش کنگ بیت، پاکستان ءَ کاروباری مردم آناں سازگاریں چاگرد ءِ پجارینگ بوھگ ءَ اِنت۔ شمال جنوبی راہداری کاروباری سرگرمیاں دیمروئی دیگ ءِ ھاتر ءَ گیم چینجر اِنت۔ اے ھیالانی درشانی آئی ءَ پارا ءَ پاکستان آذربائیجان بزنس فورم ءَ گوں تران کنان ءَ کت اَنت۔ اے موہ ءِ سر ءَ آذربائیجان ءِ صدر الہام علیوف ھم ساڑی ات۔ مزن وزیر محمد شہباز شریف ءَ گوشت کہ پاکستان ءُ آذربائیجان ءِ نیام ءَ دیریں سیادی است انت کہ ایشی ءِ بنیات ءَ مخلصی، یکے دومی ءِ سر ءَ بھروسہ ءُ احترام، ءُ الس ءِ نیام ءَ مہر ءِ سر ءَ انت آذربائیجان حکومت ءِ گوما گند ءُ نند ءِ ساھت ءَ دیمروئی ءِ جیڈھ آنی سر ءَ بازیں گپ ءُ تران کنگ بوت، ءُ ما دیم ءَ روگ ءِ سر ءَ تپاک کت۔ آئی ءَ گوشت کہ پاکستان ءُ آذربائیجان ءِ کاروباری برات ءَ را گشتانک دیگ ءَ یک وشیں گپے بوتگ۔ ھما شوبگ آنی سر ءَ چار ءُ تپاسی کنت کہ آھانی تہ ءَ ٹیرف کم اِنت تانکہ درآمد ءُ برآمدات ءَ را گیش کنگ بہ بیت۔ مزن وزیر ءَ گوشت کہ ایل این جی ھم تجارتی ٹارگٹ ءِ تہ ءَ ھوار اِنت، اگاں ما یکجائی ءَ کار بہ کن آں گڈا 2ارب ڈالر ءِ تجارتی ٹارگٹ ءِ سرجم کنگ ممکن بیت۔ اے معاہدہ اپریل ءَ پاکستان ءَ دستخط کنگ بنت کہ دوئیں ملک آنی نیام ءَ تجارتی کار آنی ھوالگ ءَ نادلگوشی ءِ ھلاسی ءِ واستہ دوئیں ملک آنی نمائندگ آناں یک دائمی انفارمیشن بیورو ءِ جوڑ کنگ بیت کہ ایشی ءِ تہ ءَ نوکیں آسراتی ھوار بنت، ایشی ءِ وسیلگ ءَ دوئیں ملک آنی بیپاری آناں وھد ءُ پاس ءِ سر ءَ زانتکاری رس ایت۔ آئی ءَ گوشت کہ دوئیں ملک آنی نیام ءَ دیریں مھکمیں دیمپانی سیادی است انت، دوئیں ملک آنی نیام ءَ دیمپانی شوبگ ءَ کمک ءَ را گیش دیمروئی دیگ بیت، دوئیں ملک آنی نیام ءَ یکجائی دیمپانی جوڑیشت ءِ آسراتی ءِ جوڑ کنگ ءِ منصوبگ است انت۔ آئی ءَ گوشت کہ کلیدی شمالی جنوبی راہداری ءِ دیمروئی ءِ واستہ المی اِنت اے درگت ءَ گوادر بندرگاہ مئے تجارت ءِ دیمروئی ءِ تہ ءَ المی کرد پیلو کنت۔ اے دو نیمگی تجارت ءِ دیمروئی ءِ تہا یک ھاسیں کردے پیلو کنگ ءَ انت۔پاکستان چیمبر آف کامرس باکو ءِ آذربائیجان ءِ جتا جتائیں شہراں کار کنگ ءَ انت۔اے دوئیں ملک آنی نیام ءَ تجارت ءِ دیمروئی ءِ تہا کمک کنت۔
