اسلام آباد۔24فروری (اے پی پی): مزن وزیر محمد شہباز شریف جمہوریہ ازبکستان ءِ صدر شوکت میرزیویف ءِ دعوت ءِ رد ءَ سئے شمبے ءِ روچ ءَ چہ ازبکستان ءِ دو روچی سرکاری تر ءُ تاب ءَ کنت۔ جمعہ ءِ روچ ءَ درئی کارانی کارگس ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف جمہوریہ ازبکستان ءِ صدر شوکت میرزیویف ءِ دعوت ءِ رد ءَ 25 ءُ 26 فروری ءَ ازبکستان ءِ سرکاری تر ءُ تاب ءَ کنت۔ مزن وزیر ءِ ھمراھی ءَ مزنیں تک ءِ ڈل ھم ھوار بنت ایشی ءِ تہ ءَ نائب مزن وزیر، وزیر ءِ درئی کار ءُ آئی ءِ کابینہ ءِ ایندگر باسک ھم ھوار بنت۔ دو نیمگی گند ءُ نند ءِ ساھت ءَ پاکستان ءِ مزن وزیر ءُ ازبکستان ءِ صدر دو نیمگی کمک ءِ توامیں پڑ آنی سر ءَ گپ ءُ تران کن اَنت ایشی ءِ تہ ءَ رابطہ، معیشت، تجارت، سرمایہ کاری، توانائی، دفاع ءُ ایمنی، دمگی استحکام ءُ وانگ ءُ زانگ ھوار اَنت۔ دوئیں رہشون وت مہ وتی دلچسپی ءِ دمگی ءُ میاں اوستمانی جیڈھ آنی سر ءَ ھم ھیال ریچی کن اَنت۔ تر ءُ تاب ءِ ساھت ءَ بازیں دو نیمگی معاہدہ / مفاہمت نامہ ءِ سر ءَ دستخط ھم کنگ بیت مزن وزیر پاکستان ءُ ازبکستان بزنس فورم ءَ گوں گشتانک ھم دنت۔ دوئیں ملک آنی سروکیں کاروباری مردم یک کاروباری فورم ءِ تہ ءَ بھر زوری کن اَنت ءُ دو نیمگی تجارت ءَ را گیش گیش کنگ ءِ واستہ پاکستان ءُ ازبکستان ءِ نیام ءَ راجدپتر، دود ءُ ربیدگ، مذہب ءُ امن ءُ دیمروئی ءِ واھشت آنی یکجائی بندوک آنی پابند اَنت۔ شراکت داری ءِ نوکیں راہ ءُ درانی رد ءَ دمگی یکجاھی ءُ اقتصادی وشھالی ءِ وتی اسٹریٹجک وژن ءِ بھر ءِ رد ءَ دیم ءَ آرگ بوتگ۔
