باکو۔24فروری (اے پی پی): مزن وزیر محمد شہباز شریف ءَ گوشت کہ آئی ءَ آذربائیجان ءِ صدر ءِ گوما آذربائیجان ءِ دو ارب ڈالر ءِ سرمایہ کاری پورٹ فولیو آناں پاکستان ءَ را گیش ءُ گیوار کنگ ءِ ھوالگ ءَ سرجمیں رنگ ءَ گپ ءُ تران کتگ کہ ایشی ءِ تہ ءَ پاکستان ءِ شریکداری ءَ را مھکم کنگ ءِ ھوالگ ءَ وتی یکجائی ءِ درشانی کتگ۔ دمگی امن ءُ ایمنی ءِ تہ ءَ ھم کمک کنت۔ سوشل میڈیا ءِ سر ءَ وتی پوسٹ ءِ تہ ءَ مزن وزیر ءَ گوشت کہ مرچی باکو ءَ من ءَ وتی برات صدر الہام علیف ءِ گوما جوانیں گند ءُ نند بوتگ من آئی ءِ منت گپتگ کہ آئی ءَ من ءُ منی ڈل ءَ را گرمیں مہمانداری ءِ سر ءَ منت گپتگ۔ آئی ءَ گوشت کہ من ءَ وشی اِنت کہ ما پاکستان ءَ وت مہ وتی منصوبگ آنی تہ ءَ آذربائیجان ءِ 2 ارب ڈالر ءِ سرمایہ کاری پورٹ فولیو ءِ سر ءَ ھم سرجمیں رنگ ءَ گپ ءُ تران کتگ ءُ من اے سال ءِ اپریل ءَ وتی گرانیں برات صدر علیف ءِ پاکستان ءِ تر ءُ تاب ءِ ودار ءَ آں کہ ایشی ءِ تہ ءَ اے سرمایہ کاری ءِ ھوالگ ءَ ھمگرنچیں معاہدہ آنی سر ءَ دستخط کنگ بہ بیت۔ مزن وزیر ءَ گوشت کہ ما پاکستان ءُ آذربائیجان ءِ اسٹریٹجک شریکداری ءَ را مھکم کنگ ءِ واستہ وتی یکجائی جزم ءِ درشان کت، ایشی ءَ چہ نا ایوک ءَ دوئیں ملک آناں سیت رسیت بلکینگ ءَ دمگی امن ءُ ایمنی ءِ تہ ءَ ھم کمک رسیت۔
