باکو۔24فروری (اے پی پی): مزن وزیر محمد شہباز شریف ءُ آذربائیجان ءِ صدر الہام علیف ءَ دوئیں ملک آنی نیام ءَ اسٹریٹجک شریکداری ءِ سر ءَ وشھالی ءِ درشانی کت ءُ وتی دو نیمگی سیادی آناں گیش مھکم کنگ ءِ وعدہ کت آھاں دمگ ءِ تہ ءَ کمیونٹی ءِ تہ ءَ کمک ءَ را گیش کنگ ءِ سر ءَ تپاک کت۔ جتا جتائیں شعبہ آں تجارت ءِ سرا کار کنگ ءَ انت۔ مزن وزیر کارگس ءِ پریس ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءُ آذربائیجان ءِ صدر الہام علیف ءِ نیام ءَ دو نیمگی گند ءُ نند بوتگ۔ مزن وزیر صدر الہام علیف ءِ دعوت ءِ سرا آذربائیجان ءِ سرکاری تر ءُ تاب ءَ انت۔ مزن وزیر شہباز شریف زولبا ءِ صدارتی ایوان ءَ سر بوھگ ءِ وھد ءَ صدر الہام علیوف ءَ آئی ءَ را گہتری ءَ گوں وش آتک کت۔ آذربائیجان ءِ سلاہ بندیں اُرد ءِ جوانیں پوشاکیں دستہ ءَ مزن وزیر ءَ را گارڈ آف آنر دات ءُ دوئیں ملک آنی راجی سوت جنت۔ گند ءُ نند ءَ دوئیں رہشون آنی پاکستان ءُ آذربائیجان ءِ نیام ءَ بازیں شوبگ آنی تہ ءَ دو نیمگی کمک ءَ را مھکم کنگ ءِ عزم ءِ پدا پدر کنگ بیت۔ مزن وزیر شہباز شریف ءُ آذربائیجان ءِ صدر ءَ پاکستان ءُ آذربائیجان ءِ نیام ءَ اسٹریٹجک شراکت داری ءِ سر ءَ دل یکیمی ءِ درشانی کت ءُ دوئیں ملک آنی نیام ءَ روایتی ءُ دود ءُ ربیدگ ءِ سیادی ءَ را گیش مھکم کنگ ءِ وعدہ کت دو نیمگی گند ءُ نند ءَ پد پاکستان ءُ آذربائیجان ءِ سینئر وزیر آنی نیمگ ءَ چہ ھاسیں گند ءُ نند کنگ بوت۔ گپ ءُ تران ءِ ساھت ءَ دوئیں نیمگاں اقتصادی کمک، تجارت ءُ سرمایہ کاری ءَ را گیش ءُ گیوار کنگ ءِ وتی عزم ءِ پدا زور دات۔ دوئیں ملک آنی تہ ءَ توانائی، بنیاتی ڈھانچہ ءُ رابطہ کاری ءُ دمگی رابطہ ءِ پڑ ءَ کمک ءِ دیمروئی ءِ سر ءَ تپاک کنگ بوتگ۔ فریقین ءَ اے گپ ءِ سر ءَ تپاک کت کہ انوگیں تجارت ءِ کساس برات ءِ سیاسی سیادی ءِ راستیں توانائی ءِ رد ءَ نہ اِنت۔ دوئیں نیمگ ءَ جتاجتائیں شوبگ آنی تہ ءَ دو نیمگی تجارت ءِ تہ ءَ گیشی ءِ سر ءَ تپاک کنگ بوت۔ دوئیں رہشوناں پاکستان ءُ آذربائیجان ءِ نیام ءَ اقوام متحدہ، اسلامی کمک ءِ گل ءُ اقتصادی کمک ءِ گل ءِ وڑیں کثیر جہتی فورم آنی تہ ءَ سرگرمیں کمک ءِ سر ءَ وشھالی ءِ درشانی کت مزن وزیر شہباز شریف ءَ صدر الہام علیف ءِ پاکستان ءِ تر ءُ تاب ءَ را ساڑات۔ ممکنہ منصوبہ کہ سرمایہ کاری ءِ ھاترا تیار انت۔ صدر الہام علیوف ءَ اپریل ءَ پاکستان ءِ تر ءُ تاب کتگ ات ءُ اے معاہدہ آناں رسمی کنگ ءِ واستہ وتی جزم ءِ درشانی کتگ ات۔ مزن وزیر شہباز شریف ءَ آذربائیجان ءِ منت گپت کہ آ جموں ءُ کشمیر ءِ جیڈھ ءِ سر ءَ برجاھیں کمک ءَ کنت، ایشی ءِ تہ ءَ کشمیری اُلس ءِ وت واجہی ءِ ھک ھم ھوار اِنت کہ ایشی ءِ تہ ءَ اقوام متحدہ ءِ سلامتی کونسل ءِ ھمگرنچیں قرارداد آنی رد ءَ پاکستان ءِ بے دروریں کمک ءِ پدر کنگ بوت۔ صدر الہام علیف، آذربائیجان ءَ ارمنستان ءِ ہمراہی ءَ قاراباخ ءَ را آجو کتگ کہ آذربائیجان ءِ سرزمین انت، اے گپ ءِ ضمانت اقوام متحدہ ءِ بازیں قرارداد ءُ میان استمانی کانود ءَ داتگ۔ مزن وزیر محمد شہباز شریف ءُ صدر الہام علیف ءَ جتا جتائیں شوبگ آنی تہ ءَ کمک ءِ دیمروئی ءِ واستہ معاہدہ ءُ مفاہمت نامہ ءِ بدلی ءِ مراگش ءَ بھر زوری کت ایشی ءِ تہ ءَ نائب مزن وزیر ءُ درئی کارانی وزیر محمد اسحاق ڈار ، وزیر تجارت جام کمال ءُ اوورسیز پاکستانی ءُ انسانی وسائل وزیر عبدالعلیم خان ءُ نیک راھی پڑ ءِ وزیر دیمروئی چوہدری سالک حسین، وزیر ءِ اھوالکاری ءُ شنگکاری عطا اللہ تارڑ ءُ مزن وزیر صدر طارق فاطمی ءُ ھاسیں کمکار ھمبراہ اتنت۔
