باکو۔24فروری (اے پی پی): پاکستان ءُ آذربائیجان ءَ تجارت، معیشت، سرمایہ کاری، دفاع، توانائی ءَ ھوار جتا جتائیں شوبگ آنی تہ ءَ سیادی ءَ را گیش گیش کنگ ءِ وتی عزم ءِ پدر کنگ ءَ گوشت کہ دوئیں ملک آنی نیام ءَ اقتصادی ءُ تجارتی سیادی ءِ تہ ءَ گیشی ءَ چہ نہ ایوک ءَ دگنیا ءَ بلکن ءَ دمگ ءَ ھم امن، دیمروئی ءُ وشھالی ءِ سبب جوڑ بیت۔ مزن وزیر محمد شہباز شریف ءَ گوشت کہ یک ماہ ءِ تہ ءَ دوئیں ملک آنی نیام ءَ بوتگیں معاہدہ آناں گڈی رنگ ءَ سرجم کنگ ءِ سر ءَ تپاک کنگ بوتگ، اپریل ءَ 2ارب ڈالر ءِ سرمایہ کاری ءِ معاہدہ آنی سر ءَ دستخط کنگ بیت، قراباخ ءِ جیڈھ ءِ سر ءَ آذربائیجان ءِ کمک ءَ برجاہ دار ایت، میاں اوستمانی تک ءَ لوٹ ایت کہ غزہ ءَ جنگ بندی پائیدار ءُ دیرپا بہ بیت، آذربائیجان ءِ صدر الہام علیوف ءَ گوشت کہ آ پاکستان ءِ گوما سکیں نزیکیں سیادی آناں گیش کنگ ءِ وتی عزم ءَ را نوک کنت، دو نیمگی تجارت ءَ را گیش کنگ ءِ ضلورت اِنت، ءُ مفاہمت نامہ ءُ معاہدہ آنی تہ ءَ دستخط کنگ ءَ پد سیادی ءَ را مھکم کنگ ءَ کمک رسیت۔ دو شمبے ءِ روچ ءَ باکو ءَ پاکستان ءُ آذربائیجان ءِ نیام ءَ جتا جتائیں پڑ آنی تہ ءَ مفاہمت نامہ ءِ منت وار آں، مزن وزیر محمد شہباز شریف ءَ گوشت کہ آذربائیجان ءِ تر ءُ تاب ءِ دعوت ءُ دل ءِ جہلانکی ءَ مہمانداری ءِ واستہ صدر الہام علیوف ءِ منت وار آں ۔ باکو یک سکیں زیبائیں شہرے کہ آئی ءِ طبیعی زیبائی ءُ طبیعی مناظر ءِ سبب ءَ اسپیتیں چادراں چہ ڈھک اتگ۔ما اسلام آباد ءَ را باکو ءِ وڑیں زیبائیں شہر جوڑ کنگ ءَ ہم مصروف ایں مزن وزیر ءَ گوشت کہ آذربائیجان ءِ صدر ءِ گوما گند ءُ نند سک باز تعمیری ءُ کارآمد بوتگ، کہ ایشی ءَ چہ مئے درشان بوتگ۔ پاکستان ءِ راج ءَ گوں آذربائیجان ءَ دوستی ءِ جیڈھ ءِ سر ءَ پاکستان ءِ درستیں سیاسی گلانی تہ ءَ تپاکی ھست۔ آئی ءَ گوشت کہ آذربائیجان ءِ صدر ءِ پاکستان ءِ تر ءُ تاب ءَ دوئیں ملک آنی نیام ءَ سیادی آناں نوکیں رنگ ءُ دروشم داتگ ءُ مئے براتی سیادی ءَ را گیش مھکم کتگ آئی ءَ پاکستان ءَ 2ارب ڈالر ءِ سرمایہ کاری ءِ جار جتگ ات، ایشی ءَ چہ دوئیں ملک آنی واستہ فائدگ مند ثابت بیت۔ اے معاہدہ اپریل ءَ آذربائیجان ءِ صدر ءِ اسلام آباد ءِ تر ءُ تاب ءِ ساھت ءَ دستخط کنگ بنت۔ مزن وزیر ءَ گوشت کہ مئے دوستی، سیاسی ھمدگر ءُ یکجائی نقطہ آنی تہ ءَ میاں اوستمانی فورم ءِ تہ ءَ است، بلے مئے سیادی ءِ انوگیں تک ءُ پہنات، مئے تجارت، سرمایہ کاری ءُ کاروبار ایشی ءِ رد ءَ نہ انت ءُ ایشی ءَ را گیش کنگ لوٹ ایت من آزربائیجان ءِ مخلصی ءُ مخصوص ءُ وژن ءَ چہ سک باز متاثر آں ءُ من ترا دلجم کناں کہ ھچ وڑیں کوشست ءِ تہ ءَ سر بوتگ کہ آ سر بوتگ انت۔ مزن وزیر ءَ گوشت کہ آئی ءَ آذربائیجان ءِ جیڈھ ءِ سر ءَ مدام حمایت کتگ، آذربائیجان ءِ صدر ءِ وژن، جرات ءُ پیسلہ کنگ ءِ توانائی ءَ چہ دمگ ءَ امن ءِ دیمروئی کتگ مزن وزیر ءَ گوشت کہ آذربائیجان ءِ منت وار آں کہ آذربائیجان ءِ نیمگ ءَ چہ کشمیری اُلس ءِ نیمگ ءَ بے شرطیں کمک کنگ بوتگ۔ نافذ کنگ بیت ءُ ہفت دہائی ءَ چہ آہانی وت واجہی ءِ جہد ءَ پائدگ رسیت۔ مزن وزیر ءَ گوشت کہ غزہ ءِ اُلس ءَ را ھم دائمی جنگ بندی ءِ ضلورت اِنت میاں اوستمانی تک ءَ دائمی امن ءِ واستہ دو ریاستی گیواری المی اِنت آئی ءَ گوشت کہ آ لوٹ اِیت کہ غزہ ءَ جنگ بندی برجائی ءُ دیر دئیگ بہ بیت۔ مزن وزیر ءَ گوشت کہ پاکستان ءُ آذربائیجان ءِ نیام ءَ جوانیں اسٹریٹجک دفاعی سیادی است انت، ایشی ءِ واستہ یکجائی دفاعی پیداواری گنجائش ءَ را گیش کنگ لوٹ ایت۔ ال تجارت۔ مزن وزیر ءَ گوشت کہ ما یک ھاندان ءِ وڑ ءَ ایں، ما اپریل ءَ آذربائیجان ءِ صدر ءِ تر ءُ تاب ءِ ودار ءَ کن ایں، دوئیں ملک آنی نیام ءَ گیش بوھوکیں اقتصادی ءُ تجارتی سیادی نہ ایوک ءَ دمگ ءَ بلکن ءَ دگنیا ءَ امن ءُ ایمنی ءِ سبب جوڑ بنت ءُ ما یکے دومی ءِ کوشست آنی وسیلگ ءَ دوستی ءُ براتی ءَ را مھکم کن ایں ۔ وتی برات محمد شہباز شریف آذربائیجان ءِ سرزمین ءَ کیت ءُ پاکستان ءِ گوما سکیں ارزشت داریں سیادی ءَ را گیش کنگ ءِ وتی عزم ءَ نوک کنت۔ آئی ءَ گوشت کہ دوئیں ملک آنی نیام ءَ دمگی جاور ھال ءُ ایمنی ءِ جیڈھ آنی سر ءَ یکجائی لیکہ است انت گوستگیں سال ءَ آئی ءِ پاکستان ءِ تر ءُ تاب ءِ ساھت ءَ دوئیں ملک آنی نیام ءَ تجارتی شوبگ آنی تہ ءَ کمک ءَ را گیش کنگ ءِ بازیں موہ است انت۔ آئی ءَ گوشت کہ مزن وزیر شہباز شریف ءِ گوما گند ءُ نند ءَ جتا جتائیں شوبگ آنی تہ ءَ کمک ءَ را دیمروئی دیگ ءِ ھوالگ ءَ سرجمیں رنگ ءَ گپ ءُ تران کنگ بوت، مارا وت مہ وتی بیپاری ءَ را گیش کنگ ءِ ضلورت اِنت، ایشی ءِ کساس اے وھد ءَ کم اِنت یک ماہ ءِ اندر ءَ ایشی ءِ سر ءَ گپ ءُ تران کنگ بیت۔ آئی ءَ گوشت کہ مفاہمت ءُ معاہدہ آں چہ دوئیں ملک آنی نیام ءَ سیادی آناں مھکم کنگ ءَ کمک رسیت جتا جتائیں شوبگ آنی تہ ءَ معاہدہ دو نیمگی سیادی آنی تہ ءَ ھاسیں دیمروئی اَنت ایشی ءِ سر ءَ ھم گپ ءُ تران کنگ بوتگ۔ پاکستان ءِ دفاعی صنعت ءَ مزنیں دیمروئی کتگ۔ آذربائیجان ءِ دفاعی صنعت ھم دیمروئی کنگ ءَ اِنت، ءُ پاکستان ءِ دفاعی پیداوار ءِ شوبگ ءَ ھاسیں جاگہ اِنت آئی ءَ گوشت کہ پاکستان مئے نزیکیں سنگت اِنت۔ دوئیں ملک آنی اُلس آنی نیام ءَ رابطہ آناں ھم دیمروئی رسگ ءَ اِنت ایر پرواز ھم باقاعدہ برجاہ اِنت ءُ ایشی ءَ را گیش گیشی بیت آئی ءَ گوشت کہ دمگی دیمروئی ءِ واستہ رابطہ ءِ منصوبگ آنی دیمروئی المی اِنت۔ مزن وزیر شہباز شریف ءِ نیمگ ءَ پیش کتگیں اصلاحات معیشت ءُ سیاسی استحکام ءِ شوبگ آنی تہ ءَ جوانیں نتیجگ آنی سبب بوھگ ءَ انت۔ پاکستان ءِ میاں اوستمانی پڑ ءَ یک ھاسیں جاگہ ءِ واھند اِنت ءُ مارا شمئے محنت ءُ زانتکاریں سروکی ءِ چیر دستی ءَ برات ءُ سنگت ءِ بستار ءَ پاکستان ءِ سوبمندی آنی سر ءَ فخر اِنت ما آیوکیں منصوبگ ءُ کوشست آناں ھم شمئے گوما برات ءِ بستار ءَ اوشتاں۔
