لاہور۔23فروری (اے پی پی): بنجاھی وزیر اھوالکاری ، شنگ کاری، راجی میراث ءُ دود ءُ ربیدگ عطا اللہ تارڑ ءَ گشتگ کہ ورنا یک ارزشت داریں اثاثہ انت، ملک ءِ دیمروئی ءِ تہا آہانی کرد ءَ چہ شموشگ نہ بیت، ناشرکاراں ہچ وڑیں مذہب نیست، بے گناہ ءُ بے گناہیں نودربر اے واقعہ ءَ شہید بوتگ انت , رد الفساد ءِ بندات کنگ بوتگ اَنت بلے پد ءَ یک انچیں سرکارے اتک کہ آئی ءَ طالبان ءِ حمایت کتگ ءُ آھاں پدا آورتگ ءُ آباد کتگ، بے سلاہیں مردماں کُشوکیں ناشرکار اَنت، آھانی نیام ءَ ھچ وڑیں تبعیض نیست، آ ناشرکاری ءِ ھلاس کنگ ءِ ھاترا دلجم اَنت، نوکیں منصوبہانی سر ءَ تنقید ءِ پالیسی ءِ چیر دستی ءَ تنقید ءِ ھاترا تنقید کنگ ءِ زلورت اِنت، چہ بنجاہی حکومت ءِ نظام ءَ ابید ممکن نہ اِنت۔ اے ھیالانی درشانی آئی ءَ یک شمبے ءِ روچ ءَ ایوان اقبال ءَ ورنا کانفرنس ءَ جست ءُ پُرس ءِ دیوان ءَ گشتانک دیان ءَ کت۔ اے موہ ءِ سر ءَ صدر ءِ ورنا جنرل اسمبلی فہد شہباز ورائیچ ءُ مزنیں اھوالکار فرخ شہباز ورائیچ ءَ ھوار جتا جتائیں وانگ ءُ زانگ ءِ ادارگ آنی مزنیں کساس ءَ نودربر ھوار اتنت۔ بنجاھی وزیر اھوالکاری عطا اللہ تارڑ ءَ گوشت کہ دو راجی نظریہ یک حقیقت ءِ انت، ءُ ورنا آنی واستہ اے المی انت کہ آ بہ زان انت کہ پاکستان ءِ جوڑ کنگ پرچا المی بوتگ۔ راج کہ چہ وتی گوست ءَ دربرگ ءَ نہ اِنت آ وتی آیوکیں باندات ءَ جوڑ کُت نہ کنت ردی ھم گوست ءَ بیت ءُ راج چہ آیاں دربرگ ءَ اَنت۔ آئی ءَ گوشت کہ یک آجوئیں ملک ءِ واستہ مسلمان آناں بے دروریں تکلیف ءُ تکلیف آنی دیمپان انت۔ پاکستان موومنٹ ءُ پاکستان ءِ جوڑ بوھگ ءَ پد ورنا آنی کرد ملک ءِ تہ ءَ یک راجدپتر ءِ واھند اِنت، اے گپ شموشگ مہ بیت مئے آبادی ءِ تہ ءَ 30 سال ءَ کم عمریں ورنا ھوار اَنت آ پاکستان ءِ آیوکیں باندات اَنت۔ بنجاھی وزیر ءَ گوشت کہ رواں مالی سال ءِ اولی سہ ماہی ءَ پاکستان ءَ 7ارب ڈالر ءِ زرّ دیم اتکگ انت۔ عطا اللہ تارڑ ءَ گشتگ کہ وھدے غزہ، فلسطین، ءُ کشمیر ءِ ظلم ءُ زوراکیانی گپ جنگ بیت گڑا سوشل میڈیا ءِ سرا اے آئی ءُ نوکیں ٹیکنالوجی ءِ گوما اے ظلم ءُ زوراکیانی بابت ءَ پوسٹانی سرا لائک ءِ کساس کم بیت۔ آئی ءَ گوشت کہ دو راجی نظریہ ءِ ضلورت مرچی ءَ چہ گیش کدی نہ بوتگ۔ بنجاھی وزیر ءَ گوشت کہ ما اے وھد ءَ پاکستان ءِ سبب ءَ ھما ایں کہ ما ھستیں گڑا مئے سیاست ھم ھمے رنگ ءَ اِنت اگاں نہ پاکستان ءِ تہ ءَ درستیں اقلیت آنی یک وڑیں ھک ھست اَنت وھدے کہ اقلیت آنی ھلاپ ءَ تبعیض ءِ سر ءَ ھرکس سرپد ، آئی ءَ گوشت کہ دگنیا ءَ ھچ جاگہ ءَ مفت لیپ ٹاپ دیگ نہ بیت پاکستان ءَ اولی رند ءَ ورنا آناں سد درسد میرٹ ءِ سر ءَ مفت لیپ ٹاپ دیگ بوتگ، ایشی ءَ چہ اکس ءِ سفارش کنگ نہ بوتگ۔ کوویڈ ءِ وھد ءَ مئے معیشت ءَ چہ لوگ ءَ کار کنگ یا آن لائن کلاسانی سبب ءَ ھچ وڑیں تاوان نہ رستگ پرچا کہ مئے زھگانی گور ءَ لاکھوں لیپ ٹاپ بوتگ اَنت اگاں آھانی گور ءَ اے لیپ ٹاپ نہ بوتگ اَنت گڑا اے ترس بوتگ کہ پاکستان ءِ معیشت ھم دگنیا ءِ دگہ ملکانی وڑ ءَ تاوان ءِ آماچ بیت۔ عطا اللہ تارڑ ءَ گوشت کہ آیوکیں وھد ءِ چیلنج آنی ھیال ءَ دارگ ءَ وژن ءِ جوڑ کنگ سروکی ءِ ذمہ واری اِنت۔ آئی ءَ گوشت کہ 90 ءِ دہک ءَ لاہور اسلام آباد موٹروے ءِ جوڑ کنگ ءِ وھد ءَ ایشی ءِ سک باز مخالفت کنگ بوتگ ءُ پاکستان ءَ موٹروے ءِ بُن ھشت ایر کنگ بنیاتی ڈھانچہ ءِ دیمروئی ءِ نیمگ ءَ یک مزنیں گامگیج ءِ بوتگ مرچی اے موٹروے ءِ وسیلگ ءَ چہ آسانیں سفری آسراتی ءَ چہ سیت چست کنگ ءَ انت۔ آئی ءَ گوشت کہ لیپ ٹاپ ءِ اسکیم ءِ ھم مخالفت کنگ بوتگ، ارباں کلدار ءِ اسکالرشپ پہ باصلاحیتیں نودربراں پہ مزنیں وانگ ءُ زانگ ءَ دیگ بوھگ ءَ اِنت، ڈینش اسکولاں چہ نزوریں تبکاں وانگ ءُ زانگ ءِ پڑ ءَ دیمروئی کنگ ءِ موہ داتگ ءُ اشرافیہ ءَ ڈینش اسکول آنی مخالفت کتگ۔ آئی ءَ گوشت کہ راولپنڈی انسٹی ٹیوٹ آف کارڈیالوجی پاکستان ءِ جوانیں ادارگ انت دراھیں پاکستان ءُ خیبر پختونخوا ءَ چہ مردم کاینت 12 ءُ نیم سال ءِ تہ ءَ پرچا جوانیں اسپتال جوڑ کنگ نہ بوتگ۔ سیاسی نعرہ جنوک مارا بہ گش انت کہ شما چنچو گردہ ءِ ٹرانسپلانٹ یونٹ جوڑ کتگ، چنچو نودربراں اسکالرشپ ءُ لیپ ٹاپ داتگ۔ آئی ءَ گوشت کہ تنقید ءِ واستہ تنقید ءَ را پالیسی منصوبگ آنی سر ءَ ایراد گرگ ءِ واستہ کارمرد کنگ مہ بیت۔ آئی ءَ گوشت کہ زندمان ئِ تجربگ ءَ چہ پدر بیت کہ جوانیں سوچ ءَ چہ جوانیں نتیجگ ئِ سوب بنت۔ بنجاھی وزیر ءَ گشتگ کہ منی پارٹی ءَ من ءَ انچیں آجوئی داتگ کہ من ورنا آنی بابت ءَ پدریں گپ بہ جناں۔ آئی ءَ گوشت کہ ورنا ارزشتی ایں سرڈگار انت، آ ھما انت کہ ملک ءِ نظام ءَ را چلائینگ لوٹ ایت۔ یک جُستے ءِ پسو ءَ بنجاھی وزیر ءِ اھوالکاری ءَ گوشت کہ ورلڈ اکنامک فورم ءَ وھدے جست کنگ بوت کہ دگنیا ءِ ھاترا مستریں ھترہ چی اِنت گڑا جھان ءِ سروکاں موسمی بدلی یا ایٹمی جنگ ءِ گپ نہ جتگ بلکیں آیاں ردیں اھوالکاری ءَ را اے دور ءِ مستریں چیلنج لیک اِتگ پرچا کہ اے ذھن ءَ را جوڑ کنت ءُ مردم ءَ را ڈپریشن کنت۔ آئی ءَ گوشت کہ مئے عادت بوتگ کہ ہر کار ءَ گوں شک ءُ شبہ ءَ بندات بہ کنیں۔ اگاں ترا شریں اُمیت ھست گڑا آسر شر بیت۔ دگہ جُستے ءِ پسو ءَ عطا اللہ تارڑ ءَ گوشت کہ مئے چاگرد ءَ مینٹر شپ ءِ تصور گار بوتگ نودربر زند ءِ وھد ءَ مات ءُ پت ءُ سیاد ءُ وارسانی نیمگ ءَ چہ دباؤ بیت وھدیکہ عملی زند ءِ تہ ءَ کمائی ءُ دگہ ذمہ واریانی دباؤ گیش بیت ءُ ورنا آنی واستہ مزنیں مشکلات ءِ آماچ بیت۔ آئی ءَ گوشت کہ رہشونی ءُ مشورہ ءِ واستہ مینٹر شپ سک باز المی انت۔ دگہ جُستے ءِ سر ءَ بنجاھی وزیر ءَ گْوشتگ کہ ناشرکاری ءِ آفت انگت ءَ ملک ءَ ھست اِنت بلے ناشرکار ھچ وڑیں رھبند ءُ کانود ءِ سر ءَ عمل نہ کن اَنت وھدے کہ آ دژمن ءَ را نشانگ جوڑ کنگ ءِ رھبند ءَ سرپد نہ بنت ناشرکاراں ھچ وڑیں مذھب نیست کہ اے پی ایس ءِ سانحہ یک… مرچی بلوچستان ءَ ھم ناشرکاری ءِ کار کنگ ءَ اَنت۔ اے پی ایس ءِ سانحہ ناشرکارانی یک زھرناکیں کارے بوتگ ءُ ایشی ءِ تہ ءَ ھواریں درستیں مردم انصاف ءِ دیم ءَ آرگ بوتگ اَنت۔ اے پی ایس ءِ سانحہ ءَ پد آپریشن زرب عزب ءُ آپریشن رد الفساد بندات بوت، سرجمیں ملک ءَ امن ءُ ایمنی بوت بلے پد ءَ یک انچیں سرکارے اتک کہ آئی ءَ شریں طالبان ءُ ھرابیں طالبان ءِ بحث بندات کت ءُ گُشت ئِے کہ اے سکیں شریں مردم اَنت، آ تئی سنگت اَنت ءُ آھانی اَنت، آ تئی اَنت۔ اے سرکار ءَ طالبان ءِ حمایت کت ءُ پدا آورت ءُ سیٹل ءِ دمگاں آباد کت۔ آئی ءَ گوشت کہ اے پی ایس ءِ اُرش ءَ پد یک انچیں نظریہ یے جوڑ کنگ بوتگ کہ ٹی ٹی پی ءِ منوگراں اے ملک ءَ کنفیوژن پیداک کنگ لوٹ اتگ ایشی ءِ تہ ءَ ھچ شک نیست کہ ٹی ٹی پی ءَ پاکستان ءِ تہ ءَ ناشرکاری ءِ کار کتگ انت ءُ ناشرکاری ءِ کار آنی تہ ءَ ھوار انت۔ اے ہما مردم انت کہ اے پی ایس ءِ سرا اُرش کتگ، ملک ءِ تہا آشوب شنگ کتگ، زہگ شہید کتگ انت، ہچ وڑیں مراعات ءِ لائق نہ انت، بدیں مردم انت، ہلاس کنگ بنت۔ پاکستان ھما وھد ءَ دیمروئی کنت وھدے ناشرکاری ھلاس کنگ بہ بیت ۔ یونیورسٹی آف انجینئرنگ اینڈ ٹیکنالوجی ءِ نودربرے ءَ وتی ٹیم ءِ سوبمندی ءِ بابت ءَ تفصیل ءِ درشان کنان ءَ ہک بوتگیں اکاؤنٹس ءِ جیڑہ ءِ گیش ءُ گیوار ءِ لوٹ کتگ کہ بنجاھی وزیر ءَ دلجمی داتگ کہ آہانی جیڑہ 72 کلاک ءِ تہا گیش ءُ گیوار بیت۔ انسانی اعضاءِ بہا کنگ ءُ گرگ ءِ بابت ءَ یک جُستے ءِ پسو ءَ بنجاھی وزیر ءَ گشتگ کہ گوستگیں وھد ءَ پنجاب ءَ اعضاءِ پیوندکاری ءِ بابت ءَ جاور ھال ھراب بوتگ انت گریب ءُ تنگدستیں مردمانی گردہ کشگ ءُ بہا کنگ بوتگ انت ءُ اے زھرناکیں جرم ءَ جتا جتائیں مردم ھوار بوتگ انت کہ اے جیڈھ ءَ را کمک کتگ۔ اے اتھارٹی دگہ صوبگ آنی تہ ءَ ھم جوڑ کنگ بہ بیت۔ جعلی حالانی گر ءُ دار ءِ ھوالگ ءَ جست ءِ پسو ءَ بنجاھی وزیر ءَ گوشت کہ جعلی ھال آنی گر ءُ دار ءِ واستہ اھوالکار آنی باڈی جوڑ کنگ بہ بیت، ءُ اے جیڈھ ءِ سر ءَ میاں اوستمانی کانفرنس آنی تہ ءَ ھم گپ ءُ تران بوتگ۔ صحافیانی یک انچیں باڈی یے جوڑ کنگ بیت کہ آ جعلی ھالانی کنٹرول کنگ ءِ ھاترا کار بہ کنت۔ اے سرا کار بوھگ ءَ انت ۔ آئین ءِ ترمیم ءِ ھوالگ ءَ آئی ءَ گوشت کہ ایشی ءِ سر ءَ یکے ءَ ابید درستیں سیاسی گل آنی تپاکی بوتگ پیکا ءِ کانود ءِ ھوالگ ءَ آئی ءَ گوشت کہ ایشی ءِ سر ءَ اگاں اعتراض است انت گڈا ایشی ءِ سر ءَ گپ ءُ تران کنگ بوت کنت۔ بنجاہی حکومت ءِ ھوالگ ءَ یک جستے ءِ سر ءَ بنجاھی وزیر ءَ گوشت کہ اے ملک بنجاہی حکومت ءِ ھست نہ بوھگ ءَ کار کت نہ کنت، گراس روٹ لیول ءِ ھست نہ بوھگ ءَ کس گچین کاری ءَ بہر زورگ نہ بیت بلے 2018 ءَ پی ٹی آئی ءِ سرکار ءَ بنجاہی حکومت ءِ نظام ھلاس کتگ۔ آئی ءَ گوشت کہ سیاسی گل آناں اے پیسلہ کنگی اِنت کہ کجام سرکار بئیت آ بنجاہی ادارگ آنی تہ ءَ دستکاری نہ کنت۔
