باکو۔23فروری (اے پی پی): مزن وزیر محمد شہباز شریف گوں پاکستانی ڈل ءِ ھمبراھی ءَ وتی دو روچی سرکاری تر ءُ تاب ءِ تہ ءَ آذربائیجان ءِ بنجاھی شھر باکو ءَ شتگ۔ مزن وزیر ءَ را آذربائیجان ءِ اولی نائب مزن وزیر یعقوب عبداللہ اولو ایوبوف، نائب وزیر ءِ درئی کار یالچین رفایف، پاکستان ءَ آذربائیجان ءِ سفیر خضر فرخادوف، آذربائیجان ءِ سینئر قادی آفیشل ءِ نیمگ ءَ چہ وش آتک کنگ بوت۔ مزن وزیر کارگس ءِ میڈیا ونگ ءِ نیمگ ءَ یک شمبے ءِ روچ ءَ تر ءُ تاب ءِ ساھت ءَ مزن وزیر آذربائیجان ءِ صدر الہام علیف ءُ آذربائیجان ءِ ایندگر مزنیں کارندہ آنی گوما مزن تک ءِ گند ءُ نند کنت۔ گپ ءُ تران ءِ تہ ءَ دو نیمگی سیادی آناں مھکم کنگ، تجارت ءُ سرمایہ کاری ءِ تہ ءَ گیشی، توانائی ءُ دفاعی کمک ءَ را گیش کنگ، موسمی بدلی ءِ نا شریں اثر آنی ھلاپ ءَ جنگ ءِ تہ ءَ کمک ءُ دود ءُ ربیدگ ءِ تبادلہ ءَ را گیش کنگ ءِ سر ءَ دلگوشی دیگ بیت۔ دوئیں براتیں ملک آنی نیام ءَ دو نیمگی شریکداری ءَ را گیش مھکم کنگ ءِ واستہ بازیں مفاہمت نامہ ءُ معاہدہ آنی سر ءَ دستخط کنگ بیت۔ مزن وزیر آذربائیجان ءِ تر ءُ تاب ءِ موہ ءَ برجم دارگ بوھوکیں پاکستان ءُ آذربائیجان بزنس فورم ءَ ھم گشتانک دنت ۔ فورم ءَ دوئیں ملک آنی کاروباری رہشون ھم یکجاہ کنگ بنت تانکہ یکجائی منصوبگ ءُ تجارتی ءُ سرمایہ کاری ءِ موہ آناں پٹ ءُ پول کنگ ءِ واستہ کاروباری (بی ٹو بی) کمک ءِ سر ءَ زور دیگ بہ بیت۔ پاکستان ءُ آذربائیجان ءِ نیام ءَ یکیں قدر ءُ یکجائی مول ءُ مراد ءِ بنیات ءَ یک دیریں براتی سیادی ءِ شریک اِنت۔ مزن وزیر شہباز شریف ءِ آذربائیجان ءِ تر ءُ تاب ءَ چہ دوئیں ملک آنی استیں دو نیمگی سیادی آناں گیش وسعت دیگ، اقتصادی کمک ءَ را گیش کنگ ءُ دمگی کمک ءَ را گیش کنگ ءِ عزم ءِ درشان اِنت۔ نائب وزیر اعظم و وزیر خارجہ محمد اسحاق ڈار، وزیر تجارت جام کمال خان، وزیر سرمایہ کاری ءُ نجکاری عبدالعلیم خان، وزیر برائے سمندر پار پاکستانی ءُ بنی آدمی آسراتی آنی دیمروئی، چوہدری سالک حسین، وزیر اھوالکاری ءُ شنگ کاری عطاء اللہ تارڑ ءُ ھاسیں کمکار سید طارق فاطمی مزن وزیر ءِ ھمبراہ اتنت۔
