اسلام آباد۔23فروری (اے پی پی): آذربائیجان ءِ صدر الہام علیف ءِ دعوت ءِ رد ءَ مزن وزیر محمد شہباز شریف 24 ءَ بگر داں 25 فروری 2025 ءَ جمہوریہ آذربائیجان ءِ دو روچی سرکاری تر ءُ تاب ءَ کنت۔ رف ءِ دومی تر ءُ تاب آذربائیجان ءَ چہ مارچ 2024 ءَ وتی اگدہ ءِ سر ءَ نشتگ ءَ پد۔ مزن وزیر ءِ تر ءُ تاب ءِ ساھت ءَ نائب مزن وزیر ءُ درئی کارانی وزیر سر محمد اسحاق ڈار ءُ کابینہ ءِ ایندگر کلیدی باسکاں ھوار مزن تک ءِ ڈل ءِ ھمراھی ءَ ھوار بیت ایشی ءَ چہ آذربائیجان ءِ گوما دو نیمگی سیادی ءَ را گیش گہتر کنگ ءِ واستہ پاکستان ءِ مھکمیں عزم ءِ درشان کنگ بیت۔ باہن ءِ رد ءَ اے تر ءُ تاب ءِ ساھت ءَ فرین توانائی، تجارت، دفاع، وانگ ءُ زانگ ءُ موسمیاتی شوبگ آنی تہ ءَ دو نیمگی کمک ءَ را گیش مھکم کنگ ءِ واستہ وت مہ وتی دلچسپی ءِ پڑ آنی سر ءَ مزنیں گپ ءُ تران کنت۔ اے تر ءُ تاب ءِ ساھت ءَ فرانس ءِ گوما کمک ءِ بازیں پڑ آنی تہ ءَ بازیں مفاہمت نامہ ءُ معاہدہ آنی سر ءَ دستخط کنگ ءِ گمان اِنت۔ زانگ بہ بیت کہ پاکستان ءُ آذربائیجان ءِ نیام ءَ یکے دومی ءِ سر ءَ بھروسہ، مفاہمت ءُ دیریں یکے دومی ءَ را فائدگ مندیں کمک ءِ بنیاد ءَ گہتریں براتی سیادی است انت۔ آذربائیجان ءِ ھاسیں اقتصادی ءُ اسٹریٹجک شریک آنی تہ ءَ یک اِنت کہ آئی ءِ گوما بازیں شوبگ آنی تہ ءَ مھکمیں کمک ءِ دیمروئی کتگ مزن وزیر ءَ را جمہوریہ آذربائیجان ءِ برآمد ءُ سرمایہ کاری ءِ دیمروئی ءِ ادارگ ءِ کمک ءَ برجم داشتگیں کاروباری فورم ءِ ساھت ءَ کلیدی گشتانک دیگ ءِ اُمیت اِنت۔ مزن وزیر ءِ تر ءُ تاب آذربائیجان ءِ گوما دو نیمگی سیادی ءَ را گیش مھکم کنگ، گیش اقتصادی کمک ءَ را گیش کنگ ءُ یکجائی دیمروئی ءِ واستہ شریکداری ءِ نوکیں راہ آنی شوھازگ ءِ واستہ پاکستان ءِ مھکمیں عزم ءِ درشان اِنت۔
