فیصل آباد۔ 22 فروری (اے پی پی): بنجاھی وزیر ھزانگءُ آمدنی ءِ سینیٹر محمد اورنگزیب ءَ گشتگ کہ ملک ءِ معیشت ءِ بحالی ءِ تہا نجی شعبہ ءَ را کلیدی کرد پیلو کنگی انت، ہمے سبب انت کہ آئی ءَ وت بجٹ ءِ تیاری ءَ پیسر کاروباری براتی ءَ گوں شور ءُ سلاہ ءِ عمل بندات کتگ تانکہ ہر جیڈھ ءِ سرا سرکاری رنگ ءَ گپ ءُ تران کنگ بہ بیت۔ شمبے ءِ روچ ءَ فیصل آباد چیمبر آف کامرس اینڈ انڈسٹری ءَ سرجمیں ملک ءَ چہ چیمبر آنی صدر ءُ کاروباری رہشون آنی یکجائی دیوان ءَ گوں تران کنان ءَ ھیال آنی درشانی کت۔ آئی ءَ گوشت کہ من جتاجتائیں چیمبر آنی تر ءُ تاب کتگ ءُ مرچی فیصل آباد چیمبر ءِ کارندہ آں گوں گند ءُ نند کنگ ءَ آں۔ ھمے رنگ ءَ آ وت دگہ چیمبراں ھم روت دانکہ وھدے مئی جون ءَ بجٹ پیش کنگ بیت گڑا ایشی ءِ تہ ءَ ھچ وڑیں بے وسی ءِ گپ ھوار مہ بنت۔ ملک ءِ معیشت راستیں کشک ءَ جنزان انت، بلے ٹیکس ٹو جی ڈی پی ءِ نسبت 9-10درسد انت، اے ملک ءِ چلائینگ ءِ واستہ کم انت، خوردہ ءُ دگہ بازیں شوبگ ملک ءِ معیشت ءَ کمک نہ کنگ ءَ انت۔ آئی ءَ گوشت کہ پاکستان ءِ 75سال ءِ راجدپتر ءَ اے اولی رند اِنت کہ ایشی ءِ سر ءَ کشت ءُ کشاری ٹیکس ءِ سر ءَ عمل کنگ بوھگ ءَ اِنت۔ اے وھد ءَ ٹیکس ءِ گیشتریں بار ءَ تنخواہ داریں طبقہ ءُ مینوفیکچرنگ ءِ شعبہ ءِ سرا انت ءُ اے نظام ءَ را منصفانہ ءُ پائیدار کنگ ءِ ھاتر ءَ زوتیں گامگیج زورگ المی انت۔ آئی ءَ گوشت کہ ممبر انکم ٹیکس ءُ ممبر کسٹم ھم آئی ءِ ھمراہ انت تانکہ شمئے گپ ءُ تران ءُ سفارش آنی رد ءَ یک موزوں حکمت عملی ءِ جوڑ کنگ بہ بیت۔ آئی ءَ گوشت کہ سود ءِ شرح کم بوھگ ءَ انت ءُ آٹو فنانسنگ ءِ تہ ءَ گیشی اتکگ آئی ءَ گوشت کہ شکر، گھی ءُ ایندگر چیز آنی نرخ کم بوھگ ءَ انت وھدیکہ وزیر خوراک ءَ اے ھم گوشتگ کہ رمضان ءِ وھد ءَ شکر ءِ نرخ گران بنت وھدے کہ اے درستیں چیز گران بنت وھدے کہ دلال ءِ کرد میان ءَ انت ، آ ئی ایم ایف ءِ گشگ انت کہ ما گیش زرّ دیگ ءَ تیار ایں بلے شما ٹیکس اصلاحات ءِ سر ءَ واضح انت کہ ما آرگ ءَ ایں ۔ آیوکیں روچاں آئی ءَ گوشت کہ حکومت لوٹ ایت کہ ٹیکس ءِ کیس زوت گیش ءُ گیوار کنگ بہ بنت ہر سال مئے یک کھرب ءِ خسارہ ءَ روت جتا جتائیں ادارگ یا جتا جتائیں وزارت یکے دومی ءَ گوں یکجا کنگ بوھگ ءَ انت۔ مارا جست کنگ بیت کہ ٹیکس ءِ جم کنگ ءِ وھد ءَ شما چے کنگ ءَ اِت؟آئی ءَ گْوشتگ کہ 43 وزارت ھست اَنت کہ چہ آھاں پنچ ءُ شش وزارتانی یکجا کنگ ءِ کار جاری اِنت، یک وزارت ءِ ھلاس کنگ ءِ کار کنگ بوتگ، ما اے درستیں کاراں پہ وتی ھرچ ءُ درچ ءَ کم کنگ ءَ کنگ ءَ ایں محمد اورنگزیب ءَ گْوشتگ کہ من ھرچ کارے ءَ نہ کن آں کہ من ھرچی ءِ ھاتر ءَ مارا یکجاہ دیم ءَ روگی اِنت ءُ پُشت ءَ نہ چارگ ءَ اِنت، سرکار اے وھد ءَ سکیں گرانیں پیسلہ کنگ ءَ اِنت، سئے چیز اَنت کہ ما ایشانی سر ءَ دلگوش دیگ ءَ ایں، مارا دیم ءَ چارگ لوٹ اِیت ءُ پُشت ءَ نہ چارگ لوٹ اِیت، اے وھد ءَ سرکار ءِ سرجمیں دلگوشی ایش اِنت کہ ما چوں دیمروئی ءِ نیمگ ءَ شُت کنیں آئی ءَ گْوشتگ کہ آ سعودی عرب ءَ بوتگ ات کہ گوستگیں ھپتگ ءَ مالیات ءَ بوتگ ات، اودا ایوک ءَ وزیر ءَ بوتگ۔ دمگی سوداگری ءَ بہ چار اِت ءُ جھان ءِ سوداگری ءَ بہ چار اِت۔ ایشی ءَ چہ پیسر چیمبر ءِ صدر ریحان نسیم بھرارہ ءَ گوشت کہ پاکستان ءِ معیشت راستیں کش ءُ گور ءَ روگ ءَ انت بلے ایشی ءَ را دائمی ءُ پائیدار بنیات آنی سر ءَ جوڑ کنگ ءِ ضلورت انت، ایشی ءَ را بار بار دیمروئی ءُ زوال ءِ چکر ءَ کپگ ءَ چہ رکگ ءِ ضلورت انت۔ صدر ءِ مملکت ءَ گوشت کہ فیصل آباد چیمبر آف کامرس اینڈ انڈسٹری ءَ ملکی معیشت ءِ زندگ کنگ ءِ واستہ کاروباری برات آنی نیام ءَ بھروسہ ءُ تپاکی ءَ را دل یکیمی کنگ ءِ واستہ وتی 50می گولڈن جوبلی ءِ مراگش ءِ موہ ءَ آل پاکستان چیمبرز ءِ صدر آنی کانفرنس ءِ ھم میزبانی کنگ ءَ انت۔ آئی ءَ اے گپ ءِ سر ءَ وشی ءِ درشان کت کہ سینیٹر محمد اورنگزیب اولی وزیر ھزانگ اِنت کہ آئی ءَ فیصل آباد چیمبر آف کامرس اینڈ انڈسٹری ءِ تر ءُ تاب کتگ۔ آئی ءَ گوشت کہ مرچی راجدپتری موہ اِنت چیاکہ فیصل آباد چیمبر ملک ءِ اولی سرجمیں ڈیجیٹل چیمبر جوڑ بوتگ اے درگت ءَ یک ایس ایم ایس ایپ ءِ بنگیج کنگ بوتگ ایشی ءِ وسیلگ ءَ چیمبر ءِ باسک آناں سرجمیں آسراتی آن لائن ءَ چہ دست کپ اَنت۔ آئی ءَ ملک ءِ معیشت ءِ گہتری ءِ واستہ حقیقی اسٹیک ہولڈر آنی گوما شور ءُ سلاھ المی لیک اتگ ءُ گوشت کہ پالیسی ءِ شرح، مہنگائی ءِ تہ ءَ کمی، ءُ برآمدات ءِ تہ ءَ ھاسیں گہتری گندگ ءَ کیت۔ آئی ٹی ءِ شوبگ ءَ برآمدات ءَ را 100ارب ڈالر ءَ تاں گیش کنگ بوت کنت بلے ایشی ءِ واستہ حکومت ءَ را ورنا آناں جائز چینل آنی وسیلگ ءَ سافٹ ویئر ایکسپورٹ کیپیٹل ءَ را ملک ءِ تہ آرگ ءِ واستہ آسراتی دیگ لوٹ ایت۔ ایشی ءَ چہ پیسر فیڈریشن آف پاکستان چیمبر آف کامرس اینڈ انڈسٹری ءِ نائب صدر صاقب ماگو، محترمہ قرات عین، جاوید بلوانی ءُ ایندگر چیمبر ءِ کارندہ آں ھم مچی ءَ گوں تران کت ءُ معیشت ءِ ھوالگ ءَ جیڈھ آنی سر ءَ پدریں رنگ ءَ وتی ھیال درشان کت۔ گُڈسر ءَ پاکستان ءِ فیڈریشن ءِ پیسریگیں صدر فیڈریشن آف پاکستان چیمبرز آف کامرس اینڈانڈسٹری میاں محمد ادریس، سابق صدر چیمبر میاں جاوید اقبال ءَ ھوار سروکیں تاجر براتاں گشتانک دات۔ گڈ سر ءَ صدر ریحان نسیم بھراڑہ ءَ بنجاھی وزیر ھزانگ سینیٹرمحمد اورنگزیب، ثاقب مگوں ءُ بانک قراۃ العین ءَ را داد شیلڈز دات ءُ گفٹ دات۔
