اسلام آباد۔22فروری (اے پی پی): بنجاھی وزیر تجارت جام کمال خان ءَ گوشت کہ حکومت قالین ءِ شوبگ ءِ ٹیکس ءِ ڈیوٹی ءِ ھوالگ ءَ جیڈھ آنی گیواری ءُ قالین ءِ صنعت ءِ دیمروئی ءِ واستہ سنگینیں گامگیج کنگ ءَ انت۔ گند ءُ نند ءِ ساھت ءَ قالین ءِ شوبگ ءَ را ھاسیں رنگ ءَ ریگولیٹری ڈیوٹی ءُ سیلز ٹیکس ءِ ھوالگ ءَ جیڈھ آنی سر ءَ ھیال ریچی کنگ بوت ڈل ءَ بنجاھی وزیر ءَ را صنعت ءِ دیم ءَ اوشتاتگیں چیلنج آنی بابت ءَ سرپدی دات ءُ سرپدی دات کہ ریگولیٹری ڈیوٹی آنی تہ ءَ گیشی ءُ سیلز ٹیکس ءِ تہ ءَ پیچیدگی آنی سبب ءَ برآمدات ءِ سر ءَ منفی اثر کپگ ءَ انت۔ آئی ءَ گوشت کہ حکومت کاروباری برات ءُ ہنرمندیں مردم آنی کمک ءِ واستہ المی ئیں گامگیج چست بہ کنت۔ وزیر جام کمال خان ءَ ڈل ءَ را دل یکیمی دات کہ حکومت اے چیلنج آنی گیواری ءُ قالین ءِ صنعت ءَ را دیمروئی دیگ ءِ واستہ جزمیگ انت۔ آئی ءَ گیش گوشت کہ حکومت برآمدات ءِ تہ ءَ گیشی ءُ کاروبار ءِ تہ ءَ آسانی ءِ واستہ پالیشی آنی سر ءَ سرگرمیں رنگ ءَ کار کنگ ءَ اِنت تانکہ قالین ءِ شوبگ ءِ وڑیں روایتی صنعت دیمروئی بہ کن اَنت ءُ جھان ءِ مارکیٹ ءَ پاکستان ءِ بستار ءَ را گیش مھکم کنگ بہ بیت۔
