راولپنڈی ۔22فروری (اے پی پی):پنجاب ءِ سینئر وزیر مریم اورنگزیب ءَ گوشت کہ پاکستان ءِ الس ءَ را مزن وزیر محمد شہباز شریف ءُ سر وزیر پنجاب مریم نواز ءِ سر ءَ دل یکیمی انت۔ مزن وزیر شہباز شریف ءَ ملک ءِ معیشت ءِ حمایت کتگ، اپنا گھار اپنا چھٹ پروگرام ءِ چیر دستی ءَ بزگریں مردماں لوگ دیگ بوھگ ءَ انت، راولپنڈی ءِ 21 تحصیل ءَ کلین پنجاب پروگرام بندات کنگ بوتگ، آھاں ملک ءِ ڈیفالٹنگ ءِ نعرہ چست کتگ انت آ مہنگائی ءِ تہ ءَ کمی اتکگ انت، یک ملین کلدار ءِ ٹریکٹر اسکیم ءِ وسیلگ ءَ دیئگ بوھگ ءَ انت، اگست ءَ تاں 550 ای بس پنجاب ءَ کیت ءُ آیوکیں سال ءِ جون ءَ تاں 500 گیش ای بس کیت۔راولپنڈی ءَ کلین پنجاب پروگرام ءِ بنگیج ءِ مراگش ءَ گوں گشتانک دیان ءَ آئی ءَ گوشت کہ راولپنڈی ءِ 21 تحصیل آنی تہ ءَ کلین پنجاب پروگرام ءِ بنگیج کنگ بوتگ راولپنڈی منی گس اِنت، ھمے ھاتر ءَ من وت اے پروگرام ءِ بنگیج کنگ ءَ اتکگ آں ۔کلین پنجاب پروگرام مارچ 2024 ءَ بندات کنگ بوتگ ات، ءُ شہر ءُ میتگ آنی تہ ءَ یکجاھیں صفائی ءِ نظام بندات کنگ بوتگ۔ آئی ءَ گوشت کہ یک سال ءِ تہ ءَ پنجاب ءِ سر وزیر ءِ کارکردگی ستا کرزیں تالیاں چہ اے گپ پدر بوھگ ءَ اِنت کہ پنجاب ءِ سر وزیر ءِ کارکردگی بے درور اِنت بلکیں ایشی ءَ را یک انقلابی پروگرامے ھم اِنت ، بلکیں ایش کہ داد ات، ویسٹ آنی دور دیگ ءِ دیمتری فیز ءَ ویسٹ ٹو انرجی پروگرام ء ھوار کنگ بیت۔ ساپ ءُ سلہ پنجاپ پروگرام ءِ چیر دستی ءَ انوگ ءَ تاں کساس یک لکھ مردم آناں نوکری رستگ۔ مریوم اورنگزیب ءَ گوشت کہ گشگ بوتگ کہ ما کرپشن ءِ بیانیہ جوڑ کنگ نہ کن ایں، بلے ما کارکردگی ءِ بیانیہ جوڑ کن ایں، پیسریگیں حکومت ءَ 4 سال ءَ اے ملک ءِ ھلاپ ءَ سازش کتگ، مزن وزیر شہباز شریف ءَ ملک ءِ معیشت ءِ حمایت کتگ۔ سینئر وزیر ءَ گوشت کہ پنجاب ءِ سر وزیر ءَ یک سال ءِ تہ ءَ بے دروریں کارکردگی پیش داشتگ پنجاب ءِ الس ءَ را سرجمیں بیسہ اِنت ، پنجاپ ءَ بزگریں مردم آنی گس دیگ ءِ واستہ وتی گس ءِ پروگرام ھم بندات کتگ۔آئی ءَ گوشت کہ مردم وتی دروازگ ءِ سر ءَ مفت ءَ دوائی رسگ ءَ اَنت، جون 2025 ءَ تاں 700 سڑک آنی جوڑیشت سرجم کنگ بیت، 139شھر آنی تہ ءَ گٹر ءِ نظام سرجم کنگ بوتگ، جان سلامتی ءِ محکمہ ءَ لیڈی ہیلتھ انسپکٹر آنی وسیلگ ءَ دروازگ ءِ سر ءَ علاج ءِ آسراتی پھجارینگ بیت، مریم رانی ءِ پروگرام 2020 ءِ ٹاپ ءِ پروگرام اِنت۔ محکمہ زراعت ءَ san کارڈ جاری کنگ بوتگ، کشت ءُ کشاری ءَ را بے سود ءِ وام دیگ بوھگ ءَ انت، ٹریکٹر اسکیم ءِ وسیلگ ءَ یک ملین کلدار ءِ سبسڈی دیگ بوھگ ءَ انت، سر وزیر پنجاب ءِ چاگرد دوستیں وژن ءِ رد ءَ لاہور ءَ ای بس ءِ بندات کنگ بوتگ۔ مریم اورنگزیب ءَ گوشت کہ اگست ءَ تاں سرجمیں پنجاب ءَ سر بنت ءُ آیوکیں سال ءِ جون ءَ تاں میٹرو بس سروسز ھم بندات کنگ بنت ءُ دسمبر ءَ راولپنڈی ءَ 40ارب ءِ ساپیں آپ ءِ پروگرام بندات کنگ بوتگ۔ پنجاب ءِ بنجاہی حکومت ءِ وزیر ذیشان رفیق ءَ مراگش ءَ گوں تران کنان ءَ گوشت کہ پنجاب ءِ سر وزیر ءِ وژن ءِ رد ءَ پنجاب ءِ درستیں شہر ءُ میتگ آنی تہ ءَ یک وڑیں صفائی ءِ نظام بندات کنگ بوتگ ساتھرا پنجاب پروگرام وتی رنگ ءِ یک انفرادی پروگرامے کہ ایشی ءِ چیر دستی ءَ یک لکھ 25 ہزار مردم آناں روزگار رسیت۔
