اسلام آباد۔22فروری (اے پی پی):مزن وزیر ءِ کوآرڈینیٹر برائے راجی جان سلامتی ڈاکٹر مختار احمد بھرتھ ءَ گوشت کہ بنجاھی حکومت ءُ چاریں صوبہ آنی کمک ءَ 68 ارب کلدار ءِ پروگرام بندات کنگ بوتگ، ایشی ءِ سر ءَ مزنیں پیشرفت بوتگ ءُ یک پائلٹ پروجیکٹ ءِ بندات کنگ بوتگ کہ ایشی ءِ تہ ءَ دو صوبہ آنی تہ ءَ دیمروئی کنگ بوتگ۔ ہیپاٹائٹس سی ءِ سرجمیں ھلاسی ءَ کمک کنت۔ شمبے ءِ روچ ءَ وزارت جان سلامتی ءِ جارکش ءِ نیمگ ءَ جاڑی بوتگیں بیان ءِ تہ ءَ ڈاکٹر مختار احمد بھرتھ ءَ گوشت کہ مزن وزیر ءِ ہیپاٹائٹس سی ءِ ھلاسی ءِ پروگرام ءِ سر ءَ مزنیں پیشرفت بوتگ مزن وزیر ءِ پروگرام ءِ چیر دستی ءَ گل ءِ دو ضلع آنی تہ ءَ پائلٹ پروگرام ءِ ستا کرزیں گامگیج کنگ بوتگ۔ آئی ءَ گوشت کہ آغا خان دیمروئی نیٹ ورک ءِ کمک ءَ گلگت بلتستان ءَ ایم سی چیلاس دیامر ءُ یو سی مارکنجہ شگر ءِ دو جاھاں پائلٹ فیز بندات کنگ بوتگ۔ آئی ءَ گوشت کہ پروگرام ءِ چیر دستی ءَ مردم آناں اسکریننگ ءُ علاج ءِ آسراتی ءَ را مفت ءَ پجاری کنگ بوھگ ءَ انت۔ ڈاکٹر مختار بھارت ءَ گوشت کہ اے پائلٹ پروگرام ءَ چہ دربرگ ءَ پد بنیاتی پروگرام اے سال ءَ اسلام آباد، گلگت بلتستان ءُ آزاد جموں ءُ کشمیر ءِ توامیں ضلع ءُ دگہ توامیں صوبگ آنی تہ ءَ بندات کنگ بیت۔ آئی ءَ گوشت کہ پاکستان ءَ ہیپاٹائٹس سی ءِ یک مزنیں لس جان سلامتی ءِ جیڈھ اِنت، پاکستان نوں دگنیا ءِ اولی نمبر ءَ اِنت ایشی ءِ تہ ءَ ہیپاٹائٹس ءِ گیشیں نادراھی ھست ءُ ھیپاٹائٹس سی ءِ نادراھی ءِ تہ ءَ مدام گیشی بوھگ ءَ اِنت۔ ڈاکٹر مختار بھارت ءَ گوشت کہ بنجاھی حکومت ءُ چاریں صوبہ آنی کمک ءَ 68ارب کلدار ءِ پروگرام بندات کنگ بوتگ مصر ءِ حکومت ءَ منظم کوشست آنی وسیلگ ءَ ہیپاٹائٹس سی ءَ را سرجمی ءَ ھلاس کتگ۔ ڈاکٹر مختار بھارت ءَ گوشت کہ وزارت جان سلامتی ءَ ہیپاٹائٹس ءِ ھلاسی ءَ را دل یکیمی کنگ ءِ واستہ یک سرجمیں حکمت عملی ءِ جوڑ کتگ، ایشی ءِ مول ءُ مراد پاکستان ءَ ہیپاٹائٹس سی ءِ مزنیں کساس ءَ شنگ ءُ تالان بوھگ ءَ را گر ءُ دار کنگ اِنت اے نادراھی ءِ ھلاسی ءِ واستہ اسکریننگ ءُ ٹیسٹنگ ءِ وسیلگ ءَ زوتیں پجار ءُ درمان کنگ المی اِنت۔ ڈاکٹر مختار بھارت ءَ گوشت کہ لاکھوں پاکستانی وتی انفیکشن ءِ جاور ھال ءَ چہ بے ھال اَنت پرچا کہ آ وھد ءِ سر ءَ سرپدی ءِ اسکریننگ نہ کنگ ءَ اَنت۔ ناکامی ءُ جگر ءِ کینسر ءِ سبب ءَ بوتگ۔ آئی ءَ گوشت کہ اے راجی مول ءُ مراد ءِ سوبمندی ءِ واستہ سول سوسائٹی، پیشہ وارانہ گل، ءُ میڈیا ءِ کمک سک باز المی انت۔ ڈاکٹر مختار احمد بھرتھ ءَ گوشت کہ الس ءَ را ھال ءُ اھوال ءِ پھجاری ءُ جان سلامتی ءِ پڑ ءَ سامان ءِ پھجاری ھم دل یکیمی کنگ بیت۔
