اسلام آباد۔21فروری (اے پی پی): صدر آصف علی زرداری ءَ چاگرد ءِ ھزمت ءِ واستہ اسکاؤٹس ءِ رہشونی کنگ ءِ ضلورت ءِ سر ءَ زور پر دیان ءَ گوشت کہ اسکاؤٹس ءَ را بحران ءِ وھد ءُ روچ مرزی زند ءَ وتی ھمساھگ آنی ھزمت ءِ واستہ تیار بہ بنت۔ صدر ءِ مملکت ءِ پریس ونگ ءِ رد ءَ صدر ءِ مملکت ءَ ورلڈ اسکاؤٹ روچ ءِ موہ ءَ وتی کلوہ ءِ تہ ءَ گوشت کہ ما ورنا آناں بااختیار کنگ ءُ کردار سازی ءِ تہ ءَ اسکاؤٹس آنی ازمت آنی سر ءَ شرپ ءُ شان دیگ ءِ واستہ ورلڈ اسکاؤٹ روچ ءِ برجم دارگ ءَ ایں ۔ آئی ءَ گوشت کہ اسکاؤٹنگ ورنا آنی تہ ءَ نظم ءُ ضبط ءُ استقامت ءِ ودی کنگ ءَ انت ءُ اسکاؤٹنگ ورنا آناں چاگرد ءِ ھزمت کنگ ءِ واستہ دلبڈی دنت۔ صدر ءَ سکاؤٹنگ ءِ روح ءِ رنگ ءَ سروس ءَ را بیان کنان ءَ گوشت کہ اسکاؤٹس بدلی ءِ پیشگام بہ بنت، درچک ءِ کشت ءُ کشاری، وانندگی ءُ چاگردی وشھالی ءِ تہ ءَ گامگیج آنی سروک بہ بنت۔ صدر ءِ مملکت ءَ گوشت کہ اسکاؤٹس یک سبز، ھواریں ءُ دیمروئی پسندیں پاکستان ءِ جوڑیشت ءَ کمک بہ کن اَنت، مرچی چست کتگیں ھمک کسانیں گامگیج یک جوانیں باندا ءِ بنیات اِنت۔ صدر آصف علی زرداری ءَ گوشت کہ اسکاؤٹس ءِ تہ ءَ ھمدردی، یکوئی، وت مہ وتی احترام، ٹیم ورک، کمک ءُ انسانیت ءِ ھزمت ءِ جذبہ ءِ تہ ءَ ھوار کنگ لوٹ ایت۔ آئی ءَ گوشت کہ پاکستان ءِ اسکاؤٹس ءِ نیمگ ءَ چہ مئے ورنا آنی ازم آنی سر ءَ دل یکیمی اِنت ورنا راج ءِ آیوکیں باندات اَنت ءُ آھانی تہ ءَ یک مھکمیں ءُ وشھالیں پاکستان ءِ واستہ راہ پچ کنگ ءِ توان است اِنت ماں اسکاؤٹس وانگ ءُ زانگ ءُ راجی ھذمت ءِ سفر ءَ برجاہ بہ دار اَنت۔
