اسلام آباد۔ 21 فروری (اے پی پی) بنجائی وزیر صنعت و پیدوار رانا تنویرحسین پارینے کہ حکومت یوٹیلیٹی اسٹور آتے بند کپننگ ءِ بلکن نجی بشخ آتا کمک اٹ اوفتے پین گچین کننگ نا ارادہ تخک۔ جمعہ نادے آ سینیٹ نا دیوان اٹی اوپارے کہ حکومت ہرسال یوٹیلیٹی اسٹورآتے 50 ارب روپئی نا سبسڈی فراوان کیک، وخت اس کہ روچہ پیکج نا رداٹ تدوک آ سال 17 ارب روپئی نا سبسڈی تننگاسس۔ داسال روچہ پیکج کن 20 ارب روپئی جتا کننگانے، و اولیکو وار 40 لکھ بندغ آتے براہ راست نغد امداد فراوان کیک۔ صوبہ غاک ہم داعمل اٹی تینا بشخ ءِ شاغرہ۔ وزیر داہم امنا کرے کہ مستین اٹی یوٹیلیٹی اسٹورتا کمک اٹ نیزگار آتے آب اٹ گڑافراوان کننگ نا آزموندہ غاک زیات سرسہب متنو، ہرانا سوب آن غیرمنافع بخش سٹورآتے بند کننگ انگ ءِ، ولے ، ملازم آتا حق انا رکھ ءِ کننگک، چائے او آخبتی ملازم مریر یا کنٹریکٹ آ کاریم کیر۔
