اسلام آباد۔7فروری (اے پی پی):پاکستان بینک ایسوسی ایشن ءِ سی ای او ءُ سیکرٹری جنرل منیر کمال ءَ گوشت کہ بریتھ پاکستان کانفرنس مئے واستہ یک بیداری ءِ کال اِنت کہ مارا اے گپ ءَ سرپد کنت کہ اے جیڈھ ءِ گیواری ءِ واستہ بازیں کار کنگ لوٹ ایت۔ جمعہ ءِ روچ ءَ ادا موسمیاتی کانفرنس ءِ دومی روچ ءَ تران کنان ءَ منیر کمال ءَ COP23 ءِ رپورٹ ءِ حوالہ ءَ گوشت کہ موسمیاتی بدلی ءَ چہ گیشتر آماچیں ملک آنی تہ ءَ پاکستان 8می نمبر ءَ اِنت آئی ءَ اے کانفرنس ءَ را بیداری ءِ کال لیک اِتگ ءُ گوشت کہ اے کانفرنس ءَ چہ مارا اے گپ ءِ پدر بوھگ ءَ اِنت کہ موسمیاتی بدلی ءِ واستہ چے پیمیں جیڈھ ءِ رد ءَ کار کنگ بہ بیت۔ آئی ءَ گوشت کہ سال 2022 ءَ ما موسمی بدلی ءِ ھرابیں آسراتی ءِ آماچ بوتگیں نوں اے گپ ءَ را جھان ءِ تک ءَ منگ بوتگ کہ پاکستان ءَ 2022ءِ سیلاب ءِ سبب ءَ بوتگیں مزنیں تباہی موسمیاتی بدلی ءِ آسر بوتگ یک گریبیں ملکے ءَ را 12.5ارب ڈالر ءِ تاوان رستگ کہ ایشی ءَ را تھنا یک ماھے ءِ تہ ءَ گران اِنت۔ 2023 ءَ چہ 2030 ءِ نیام ءَ پاکستان ءَ 348ارب ڈالر ءِ ضلورت اِنت۔اگاں ما اے پڑ ءَ دلگوشی مہ دئیں گڑا 2050 ءَ تاں پاکستان ءِ جی ڈی پی ءَ را 18 ءَ چہ 20 درسد تاوان رسیت۔
