اسلام آباد۔ 06 فروری (اے پی پی)وزیر مذہبی امور چوہدری سالک حسین حج واجبات آتا وصولی نابابت قومی بینک آتے پارت جاری کرے۔ پنچ شنبےنادے آ وزارت مذہبی امور نا ترجمان نا رداٹ بینک آتے پاننگانے کہ حج واجبات آتا مسٹ میکو قسط ءِ 6 فروری 2025 آن 14 فروری 2025 اسکان وصول کننگے۔ مریس دورانیہ نا حج 10 لکھ 50 ہزار روپئی و کم دورانیہ نا حج 11 لکھ روپئی کننگانے۔ 2 و3 کمرہ غاتا ودکی آسراتی نا زر اسہ لکھ 86 ہزار و 60 ہزار آن کم کننگانے۔ دا پرخ حج واجبات آتا مسٹ میکو قسط اٹی کم کرسا وصول کننگے۔ حج گروپ لیڈر نا موکل اٹ مریس و کم دورانیہ نا حج انا مد اٹی بدلی، ہنکینی کمرہ نا سلیکشن ءِ ہم بدل کننگ مریک۔ داہمودروشم اٹ ممکن مریک کہ گروپ نا درخواست گزار اس مسٹ میکو قسط داسکان اداکپروءِ۔ ہمودرخواست ہراداسکان حج واجبات آتا ارٹ میکو قسط ءِ ادا کتنے اوہم مسٹ میکو قسط اتون ارٹ میکو قسط انا زر ءِ ہم جمع کرفنگ کیک۔ ہنداوڑ قربانی نا آپشن ءِ ہم بدل کننگ مریک۔ غٹ بینک آتے پاننگانے کہ حج واجبات آتا وصولی نا کمپیوٹرائزڈ رسید درخواست گزار آتے فراوا ن کیر۔ مسٹ میکو قسط انا ادائیگی نا نشان ہراتم اسکان کمپیوٹر آ مارک مفک ہمووخت اسکان مسٹ میکو قسط انا وصولی عدم ادائیگی ٹی شمار مریک۔
