بیجنگ/اسلام آباد۔ 06 فروری (اے پی پی) پاکستان وچین نا نیام اٹ مفاہمت نا یات داشت آتیا دستخط کننگ نا دود چین نا دارالحکومت بیجنگ اٹی مس۔ ایوان ءِ صدر نا پریس ونگ آن جاری بیان نا رداٹ دود اٹی صدر مملکت آصف علی زرداری، نائب وزیراعظم و وزیرخارجہ سینیٹر محمد اسحاق ڈار و زیراعلیٰ سندھ سید مراد علی شاہ ئسک ہم بشخ ہلکر۔ دود اٹی پاکستان نا ٹھٹھہ سیمنٹ کمپنی و چین نا چنگ گانگ کنسٹرکشن گروپ نا نیام اٹ ایم او یو آ دستخط کننگا۔ یات داشت نا رداٹ پاکستان اٹ سیمنٹ نا پیدوار اٹی 5000 ٹن ہڑدے ئی ودکی کن پروڈکشن لائن خلنگک۔ سندھ انا محکمہ توانائی وچین نا منگ یانگ قابل تجدید توانائی کمپنی نا نیام اٹ مفاہمت نا یات داشت آہم دستخط کننگا۔ یات داشت نا رداٹ پاکستان اٹی قابل تجدید توانائی نا چندی ڈٹ آتیا کمک کننگک۔ دود اٹی حکومت سندھ وچین نا کمپنی نا نیام اٹ کولانا گیسی فکیشن و یوریانا پیدواری پلانٹ نا ڈٹ آتا یات داشت آتیاہم دستخط کننگا۔

متعلقہ مضامینمصنف کی طرف سے مزید