بیجنگ/اسلام آباد۔ 06 فروری (اے پی پی) صدر مملکت آصف علی زرداری عوامی جمہوریہ چین نا ریاستی کونسل نا وزیراعظم لی کیانگ تون پنچ شنبے نا دے آ داڑے عظیم السی ہال اٹی اوڑدہی کرے ہراٹی ہڑتوم آ کنڈآتا تعلقداری تے پین سوگو کننگ کن پاکستان نا عزم انا درشانی ءِ کرسا ہڑتوم آملک آتانیام اٹ وخت انا ہرآزمائشت اٹی پورو سلوک آ گہری و پائیدار شریداری آ زور شاغنگا۔ ایوان ءِ صدر نا پریس ونگ آن جاری بیان نا رداٹ اوڑدہی نا وخت آ صدر مملکت پائیدار و گہری چین پاکستان ہمہ موسمی سٹریٹجک کوآپریٹیو پارٹنر شپ انا ذکر ءِ کرے ہرادے ہڑتوم آملک آتا راہشونک نسل درنسل مون آ دریر و سوگو کرینو۔ اوہڑتوم آکنڈآتا تعلقداری تے پین سوگو کنن کن پاکستان نا عزم انا درشانی ءِ کرسا ہڑتوم آملک آتا نام اٹ وخت انا ہرآزمائشت اٹی پورو سلوک آ گہری وپائیدار شریداری آ زور شاغا۔ صدر مملکت علاقائی رابطہ و اقتصادی شونداری ءِ مون آ دننگ اٹ چین پاکستان اقتصادی راہداری (سی پیک) نا اہم کڑدءِ مون آ تخاو پاکستان نا شونداری ایجنڈا کن چین نا پدریسہ مخ تفی نا ستاءِ کرے۔ فریق آک اسیجائی پیش رفت و اسیجائی شونہالی ءِ پین مون آ دننگ کن قابل تجدید توانائی، سائنس و ٹیکنالوجی، انفراسٹرکچر و کشت وکشار نا بشخ آتیٹی کمکاری ءِ گہراکننگ آ چکار کرسا سی پیک نا ارٹ میکو ریسہ نا رداٹ بڑزکو آب انا شونداری آ گپ وتران کریر ۔ اوبزنس ٹو بزنس نجی بشخ انا رابطہ غاتا کمک اٹ واپاری و اقتصادی کمکاری ءِ ودفنگ نا وارخواہی تیا ہم گپ وتران کریر۔ فریق آک پوسکن آ دور اٹی اسیجائی آخبت نا چی پاکستان کمیونٹی نا تفنگ کن الس تون الس و دودوربیدہ ئی ہن و برتے ودفنگ نا اہمی تآ زور شاغار۔
