اسلام آباد۔ 06 فروری (اے پی پی) بنجائی وزیر داخلہ محسن نقوی کرک اٹی پولیس چوکی بہادر خیل آ فتنۃ الخوارج نا دہشت گرد آتا سم کاری نا مذمت ءِ کرسا پارینے کہ خیبرپختونخوا پولیس دہشت گردی نا برخلاف جنگ اٹی فرنٹ لائن آ ساڑی ءُ، پولیس نا بہادر گلزادہ غاک مدام تینا دتراٹ وطن عزیز نا امن نا آبیاری کریر۔ پنچ شنبے نادے آ تینا بیان اٹی وزیرداخلہ محسن نقوی سم کاری اٹ شہید مروک آ 2 پولیس کارندہ غاتے خراج عقیدت پیش و اوفتا خاہوت آتون ہمدردی و ہڑزخواہی نا درشانی ءِ کرے وخت اس کہ ٹھپی پولیس کارندہ غاتا زوت دراخ جوڑی کن دعاکرے۔ اونا پاننگ ئس کہ فتنۃ الخوارج نا دہشت گرد آک نن نا تہاری ٹی پولیس چوکی آ لغوری اٹ جلہو کریر، خیبرپختونخوا پولیس نا شہید مروک آ کارندہ غاتا قربانی تے سلام پیش کینہ و قدر انا نظر اٹ ہرنہ۔
