اسلام آباد۔6فروری (اے پی پی): مزن وزیر محمد شہباز شریف ءَ ٹھینگ بوتگیں وھد ءِ تہ ءَ پرائیویٹائزیشن ءِ کار ءِ سرجمی ءَ را دل یکیمی کنگ ءِ پنت ءُ شون کتگ ءُ گوشت کہ پرائیویٹائزیشن ءِ کار ءِ سر ءَ وت ذاتی رنگ ءَ نگرانی کنگ ءَ آں ایشی ءِ تہ ءَ ھچ وڑیں تاخیر سگ ءُ اوپار کنگ نہ بیت۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ اے ھیالانی درشانی آئی ءِ سروکی ءَ سرکاری ادارگ آنی پرائیویٹائزیشن ءِ کار ءُ ایشی ءِ نگرانی ءِ واستہ جوڑ بوتگیں ٹاسک مینجمنٹ سسٹم ءِ سر ءَ چار ءُ تپاسی ءِ دیوان ءَ کت۔ گند ءُ نند ءَ بنجاھی وزیر عبدالعلیم خان، سینیٹر محمد اورنگزیب، رانا تنویر حسین، احد خان چیما ءُ ہمگرنچیں مزن مزنیں حکام ءَ شریک بوتگ۔ گند ءُ نند ءِ تہ ءَ مزن وزیر ءَ را پرائیویٹائزیشن ءِ واستہ جوڑ بوتگیں ٹاسک مینجمنٹ سسٹم ءِ سر ءَ یک چمشانکے پیش کنگ بوت۔ دیوان ءَ جتاجتائیں ادارگ آنی پرائیویٹائزیشن ءِ ھاتر ءَ خاصیں وھد ءِ بابت ءَ ھم سرپد کنگ بوت۔ دیوان ءَ گوشگ بوت کہ بنجاھی حکومت ءِ ادارگ آناں پرائیویٹائزیشن 3 بھر ءَ بہر کنگ بوتگ۔ اولی بھر ءَ 10 ادارگ آنی پرائیویٹائزیشن ءَ را دل یکیمی کنگ بیت، دومی بھر ءَ 13 ءُ سیمی بھر ءَ رند ءِ ادارگ آنی پرائیویٹائزیشن ءَ را دل یکیمی کنگ بیت۔ گند ءُ نند ءَ مزن وزیر ءَ پرائیویٹائزیشن ءِ کار ءَ را ترندی دیگ ءِ پنت ءُ شون کت ءُ ایر کتگیں وھد ءُ پاس ءِ تہا ایشی ءِ سرجمی ءَ را دل یکیمی کنگ بیت۔ مزن وزیر ءَ گوشت کہ پاکستان ءِ دیمروئی ءِ واستہ درستاں یکجائی ءَ کار کنگی اِنت آئی ءَ گوشت کہ ھما ادارگ آناں گیش تاوان ءِ موہ نہ دیاں کہ آ پاکستانی راج ءِ ارزشتی ایں مڈی آناں زوال کنگ ءَ اَنت۔ مزن وزیر ءَ گوشت کہ ملکی ادارگ آنی پرائیویٹائزیشن حکومت ءِ اودان پاکستان ءِ گامگیج ءِ بھر اِنت حکومت ءِ کار کاروبار کنگ نہ اِنت، بلکیں کاروبار ءُ سرمایہ کاری ءِ واستہ پالیسی، گامگیج ءُ آسراتی پجاری کنگ اِنت۔ مزن وزیر ءَ گوشت کہ معیشت ءِ تہ ءَ گہتری ءِ نیمگ ءَ ترندی ءَ گوں دیم ءَ روگ ءَ اِنت ایوک ءَ نامینتگیں ادارگ آنی پرائیویٹائزیشن ءِ کار ءَ را شفافیت ءِ سر ءَ سازگ ءُ کنگ ءَ ابید تیز کنگ بہ بیت۔ مزن وزیر ءَ پنت ءُ شون کت کہ پرائیویٹائزیشن ءِ کار ءَ کانودی پینگ آناں ہلاس کنگ ءِ واستہ نامی ئیں وکیل آنی ازمت ءَ را زورگ بہ ببیت۔ آئی ءَ گوشت کہ پرائیویٹائزیشن ءِ کار ءِ سر ءَ وت نگرانی ءَ کنگ ءَ آں ءُ ھرچ وڑیں دیر کنگ نا منّگ بیت۔ مزن وزیر ءَ پرائیویٹائزیشن ءِ کار ءِ نگرانی ءِ واستہ جوڑ کتگیں ٹاسک مینجمنٹ ڈیش بورڈ ءِ سر ءَ ھم چار ءُ تپاسی کت۔
