کراٹے ءِ چیمپئن فاطمہ احمد خان ءَ قائم مقام صدر سید یوسف رضا گیلانی ءَ گوں گند ءُ نند کتگ

اسلام آباد۔6فروری  (اے پی پی):قائم مقام صدر سید یوسف رضا گیلانی ءَ ورنائیں لیبی  آناں تربیت ءُ موہ دیگ ءِ ضلورت ءِ سر ءَ زور پر دات ءُ گوشت کہ پاکستانی زالبول آنی تہ ءَ بے دروریں زات کاری است انت۔ ایوان صدر ءِ پریس ونگ ءِ نیمگ ءَ جاڑی بوتگیں بیان ءِ رد ءَ قائم مقام صدر ءَ اے ھیالانی درشانی پنچ شمبے ءِ روچ ءَ پاکستان ءِ ورنا کراٹے چیمپئن فاطمہ احمد خان ءَ گوں گپ ءُ تران کنان ءَ کت انت آئی ءَ ایوان ءِ صدر ءَ آئی ءَ گوں گند ءُ نند کت۔ آئی ءَ کسانیں اُمر ءَ میاں اوستمانی کراٹے مقابلہ آں پاکستان ءِ نمائندگی کنگ ءِ ھاتر ءَ فاطمہ احمد خان ءِ توسیپ کت۔ قائم مقام ملک مستر  ءَ ورناہیں  کراٹےءِ چیمپئن ءَ را  دلبڈی داتءُ گوشت کہ پاکستانءِ زالبول آنی تہابے دروریں صلاحیت است انت اے موہ ءَ قائم مقام ملک مستر ءَ توسیپی سرٹیفکیٹ ھم فاطمہ احمد خان ءَ را دات۔ فاطمہ احمد خان 10 کلاس ءِ نودربرے کہ آئی ءَ کراٹے ءِ جتا جتائیں ٹورنامنٹاں بہر زرتگ کہ آہانی تہا جاپان ءُ ایران ءَ بوتگیں ٹورنامنٹ ہم ہوار بوتگ۔