اسلام آباد ۔ 14 جولائی (اے پی پی) وزارت مذہبی کار ئَ حج ئَ پہ رھادگ بوھوکیں فلائٹ آپریشن ئِ شیڈول جاڑی کت۔ وزارت مذہبی کار ئِ دارچین ئِ رد ئَ حج ئِ فلائٹ 24جولائیئَ اسلام آباد ئَ چہ حاجی آں زور ایت ئُُ دیم پہ حج ئِ زیارت ئَ مدینہ منورہّ ئَ رھادگ بیت۔ دارچین ئِ رد ئَ اولی حج فلائٹ پی کے 2003شپ ئِ دو ئُُ نیم ئَ بے نظیر انٹرنیشنل ائیرپورٹ ئَ چہ رھادگ بیت۔ اولی حج فلائٹ ئَ را سردار یوسف وزیر ئِ نیک راھی کار برو پہ ھیر کنت۔ اسلام ااباد فلائٹ آپریشن 24جولائی ئَ چہ 26اگست ئَ تاں جاڑی دارگ بیت۔ دارچین ئِ رد ئَ حج فلائٹ آپریشن ئَ چار ائیر لائنز پی آئی اے، سعودی ائی لائن، ایئر بلیو ئُُ شاہین ایئر لائن بھر زور اَنت۔ وزارت ئِ نیک راھی کار ئِ دارچین ئِ رد ئَ حج ئَ روکیں حاجی وتی فلائٹ آنی شیڈول وزارت ئِ نیک راھی ئِ ویب سائٹ ئَ چہ چیک کت کناں۔ حاجی آنی واتری ئِ واستہ فلائٹ آپریشن 6ستمبر ئَ چہ 6 اکتوبر ئَ تاں جاڑی دارگ بیت۔ دارچین ئِ رد ئَ سرکاری سکیم آنی چیر دستی ئَ یک لکھ 7ہزار ئَ چہ گیش حج ئَ روکیں حاجی بیت اللہ ئِ زیارت ئَ رونت۔ حاجی www.haijiinfo.orgاے ڈس ئُُ نشان ئِ سر ئَ فلائٹ ئِ شیڈول ئَ چیک کت کناں۔
