کراچی۔8جنوری (اے پی پی): مزن وزیر محمد شہباز شریف ءَ گشتگ کہ حکومت ءِ جوانیں پالیشیانی سبب ءَ ملک ءَ معاشی برجائی اتکگ ءُ نوں مئے مول ءُ مراد ہمیش انت کہ ایشی ءَ را معاشی دیمروئی ءِ تہا مٹ کنگ بہ بیت کہ ایشی ءَ چہ معاشی وشحالی کیت۔ چاگردی دیمروئی ءِ ھاتر ءَ ملک ءَ را اے جیڈھ آنی درشان آئی ءَ چار شمبے ءِ روچ ءَ پاکستان اسٹاک ایکسچینج ءِ تر ءُ تاب ءِ موہ ءَ کت۔ کاک ءِ شرپ ءِ گرگ ءِ مراگش ءَ گوں تران کنان ءَ ۔ مزن وزیر شہباز شریف ءَ اسٹاک مارکیٹ ءِ جوانیں کارکردگی ءِ سر ءَ مبارک بات دیگ ءَ گوشت کہ ملک ءِ معیشت ءَ را استحکام رسگ ءَ انت ءُ نوں مارا استحکام ءَ را اقتصادی دیمروئی ءِ نیمگ ءَ بدل کنگی انت ایشی ءِ واستہ سرمایہ کار ءُ کاروباری براتی ءِ نیمگ ءَ چہ سوج سک باز المی انت۔ مزن وزیر شہباز شریف ءَ گوشت کہ کراچی چراگ آنی شہر انت ءُ مئے بیپار، جائیداد ءُ برآمدات ءِ مرکز انت ءُ اے شہر ءِ سرمایہ کار آنی سوج ءُ پنت مئے دیمروئی ءِ واستہ گیش سیت مند بنت۔ آئی ءَ کاروباری رہشون ءُ سرمایہ کار آناں ھم دعوت دات کہ آ وفاقی دارالحکومت ءَ بیا اَنت تانکہ آ مشتا ءِ ھوالگ ءَ گوں آھاں پدریں گپ ءُ تران کنان ءَ مزن وزیر شہباز شریف ءَ گوشت کہ گوستگیں شش ماہ ءِ تہ ءَ آئی ایم ایف ءِ ٹارگٹ 10.500 بوتگ۔ جی ڈی پی ءِ تناسب ءِ 10 درسد بلے ما 10.8 درسد ءَ سر بوتگیں ءُ نوں مارا گیش تیزی ءِ ھاتر ءَ بنکاک ءَ چہ سرمایہ ءُ وام ءِ ضلورت انت۔ آئی ءَ پالیسی ءِ شرح ءِ تہ ءَ 122درسد ءَ چہ 13درسد ءَ کمی ءِ سر ءَ وشی ءِ درشانی کت ءُ وتی جزم ءِ درشانی کت کہ ما وت ءَ را ھشیار دار ایں ءُ ایشی ءَ را گیش چہ گیش جہل ءَ برگ ءَ ایں ۔ آئی ءَ گوشت کہ ما آئی ایم ایف ءِ گوما پروگرام ءِ تہ ءَ آں۔ ءُ آئی ایم ایف ءَ گوں داتگیں وعدہ آنی سر ءَ عمل کنت آئی ءَ گوشت کہ وھد ءِ سر ءَ ما آئی ایم ایف ءِ پروگرام ءَ را منسوخ کن ایں بلے اے وھد ءَ مارا کمک ءِ ضلورت اِنت ءُ عقل ءُ زانت ءَ را دیم ءَ روگی اِنت۔ برآمدات ءِ سروکی ءَ دیمروئی ءِ گوما ءُ مادی جوڑ کنگ۔ مزن وزیر ءَ گوشت کہ اے ھوالگ ءَ ٹھوس پنت ءُ شون کنگ ءِ ضلورت انت تانکہ ما برآمدات ءِ تہ ءَ گیشی ءَ را سوبین بوت کناں۔ آئی ءَ کشت ءُ کشاری ءِ شوبگ، کان ءُ معدنیات ءِ حوالہ دات ءُ گوشت کہ مئے ملک ءَ ارباں ڈالر ءِ قدرتی وسیلگ است انت۔ آئی ءَ گوشت کہ مغربی سرمایہ کار کہ انوگیں وھد ءَ ادا اتکگ انت آھاں مٹی ءِ ذخائر ءِ پٹ ءُ پول ءِ واستہ دلگوشی ءِ درشان کتگ ءُ خام مال ءِ زورگ ءِ بدل ءَ آ پاکستان ءَ چہ ادا صنعت جوڑ کنگ لوٹ انت۔ مزن وزیر ءَ گوشت کہ حکومت ءَ را اے پڑ ءَ تئی کمک ءُ رھشونی ءِ ضلورت اِنت تانکہ ما ملک ءَ را دیمروئی ءِ واستہ پکّائیں گامگیج چست بہ کناں۔ آئی ءَ گوشت کہ ادا مزنیں کاروباری مردم ءُ سرمایہ کار است انت کہ آ لکاں مردم آنی روزگار ءِ وسیلگ انت ءُ زر ھم دینت۔نجکاری ءِ بابت ءَ گپ ءُ تران کنان ءَ مزن وزیر ءَ گوشت کہ نجکاری ءِ عمل سرجمیں شفافیت ءِ بنیات ءَ انت۔ آئی ءَ گْوشتگ کہ اگاں شما مردماں اے بابت ءَ سوج بہ دئے اِت کہ چوں گہتر کنگ بیت من ءَ وشی بیت۔ ایشی ءَ چہ پیسر نائب مزن وزیر ءُ دری کارانی وزیر استرو اسحاق ڈار ءَ مراگش ءَ گوں گشتانک دیان ءَ گوشت کہ مزن وزیر محمد شہباز شریف ءِ سروکی ءَ ملک ءِ معیشت راستیں نیمگ ءَ روگ ءَ انت، بنجاہی سرمایہ مارکیٹ ءَ را مھکم کنگ ءَ انت تانکہ جندی ادارگ آنی سر ءَ انحصار ءَ را کم کنگ بہ بیت۔ نائب مزن وزیر ءَ گوشت کہ سرجمیں اسٹاک مارکیٹ آنی یکجا کنگ ءِ پلانٹ 9سال پیسر ایر کنگ بوتگ نوں پاکستان ءُ شنگھائی کمکی گل ءَ مزنیں مراگش ءِ بندوبست کتگ۔ وفاقی وزیر خزانہ ءُ ایکسائز، محمد اورنگزیب ءَ گوشت کہ ملک ءَ را پیداواری دیمروئی ءِ نیمگ ءَ رھشونی کنگ ءِ تہ ءَ اسٹاک مارکیٹ ءِ کرد سک باز المی اِنت۔ اے بوھگ ءَ اِنت، گیشتر آئی پی او آھگ ءَ اَنت۔ آئی ءَ گوشت کہ پاکستان ءِ اسٹاک مارکیٹ آنی تہ ءَ برجمیں رجحان ملکی معیشت ءِ سر ءَ سرمایہ کار آنی یکوئی ءِ درشان اِنت۔ وزیر خزانہ ءَ گوشت کہ آئی ایم ایف ءِ گوما ایس بی اے ءُ توسیکا فنڈ سہولت پروگرام ءِ مستریں مول ءُ مراد سرجمیں چاگرد ءِ استحکام ءَ را برجم دارگ ءُ برآمد ءِ سر ءَ بنیات ءِ سر ءَ برجم دارگ ءِ نیمگ ءَ برگ بوتگ کہ استحکام ءِ سبب ءَ جوانیں آسراتی پیش دارگ ءَ انت۔ بیلنس ریٹ ءِ تہ ءَ کمی ءِ سبب ءَ پاکستان ءِ اسٹاک مارکیٹ ءَ مزنیں کمی یے اتکگ۔ چیبر پارٹنرز ءِ ھم منت ءَ مئے چیک اسٹاک ایکسچینج ءِ گوما جوانیں شریکداری اِنت، ما چین ءِ سئے اسٹاک ایکسچینج ءِ گوما تپاک نامہ ءِ سر ءَ دستخط کتگ ءُ مئے تکنیکی کمک برجاہ اِنت۔ آئی ءَ گوشت کہ اسٹاک مارکیٹ ءَ یک سال ءِ تہ ءَ 80درسد منافع داتگ کہ ایشی ءَ چہ مارکیٹ ءِ جوانیں کارکردگی ءِ درشانی کنگ بیت آئی ءَ گوشت کہ مارکیٹ منٹ ءَ 525درسد رجسٹرڈ کمپنی، 70درسد ٹریڈنگ ءُ شریعت ءِ رد ءَ کار کنگ ءَ انت وھدیکہ مارکیٹ کیپیٹلائزیشن 52.5ارب ڈالر ءَ چہ گیش انت۔ کہ مئے کوشست مارکیٹ کیپیٹلائزیشن ءَ 100 ارب ڈالر ءَ سر کنگ اِنت آئی ءَ گوشت کہ نوکیں اسٹارٹ اپس ءُ نوکیں کمپنی آنی دلبڈی ءِ گوما بچت ءُ سرمایہ کاری ءِ سر ءَ دلگوشی المی اِنت۔ اے موہ ءِ سر ءَ گورنرسندھ کامران ٹیسوری، سر وزیر سندھ، سید مراد علی شاہ، بنجاھی وزیر اھوالکاری ءُ شنگ کاری عطا اللہ تارڑ، وزیر مملکت علی پرویز ملک ، کراچی ءِ بزنس کمیونٹی ءِ نمائندگ ءُ مزنیں کارندہ ھم ساڑی اتنت۔
