کراچی۔8جنوری (اے پی پی): نائب مزن وزیر ءُ دری کارانی وزیر استری اسحاق ڈار ءَ گوشت کہ مزن وزیر محمد شہباز شریف ءِ سروکی ءَ ملک ءِ معیشت راستیں کش ءُ گور ءَ روگ ءَ انت، درملکی ادارگ آنی بڈو بوھگ ءَ را کم کنگ ءِ واستہ بنجاہی سرمایہ بازار ءَ را مھکم کنگ ءَ انت۔ اے ھیالانی درشانی آئی ءَ چار شمبے ءِ روچ ءَ پاکستان اسٹاک ایکسچینج ءِ مراگش ءَ گشتانک دیان ءَ کت۔ نائب مزن وزیر ءَ گوشت کہ توامیں اسٹاک مارکیٹ آنی یکجا کنگ ءِ پلانٹ 9سال پیسر ایر کنگ بوتگ نوں درچک جوڑ بوتگ، 2017ءِ بے رھبندی ءِ سبب ءَ وشھالی بند بوتگ ات۔ آئی ءَ گوشت کہ 2018 ءَ اسٹاک مارکیٹ 100 ارب ڈالر بوتگ۔ نائب مزن وزیر سر محمد اسحاق ڈار ءَ گوشت کہ مزن وزیر محمد شہباز شریف ءِ سروکی ءَ ملک دیوالیہ بوھگ ءَ چہ رک اتگ ءُ پاکستان ءِ سر ءَ درملکی سرمایہ کار آنی دلبڈی گیش بوھگ ءَ انت۔ آئی ءَ گوشت کہ وھدے محمد نواز شریف ءِ حکومت ھلاس بوت گڈا وام ءِ تناسب جی ڈی پی ءِ 63درسد بوتگ، 2018 ءَ پد پاکستان ءِ وام ءِ تناسب ءَ مُدام گیشی بوتگ۔ نائب مزن وزیر سرک اسحاق ڈار ءَ گوشت کہ پاکستان اسٹاک ایکسچینج ءَ برجم داشتگیں مراگش ءَ بھر زوری ءَ چہ وشی ءِ آدینک انت۔ آئی ءَ گوشت کہ مزن وزیر ءِ سروکی ءَ پاکستان ءَ را میاں اوستمانی براتی ءِ تہ ءَ وتی گاریں جاگہ پدا دست کپ ایت، ایشی ءَ چہ 27سال ءَ پد پاکستان شنگھائی کوآپریشن آرگنائزیشن (ایس سی او) ءِ تہ ءَ مزنیں مراگش ءِ برجم دارگ ءِ وس ءَ کنت۔ نائب مزن وزیر ءَ گوشت کہ مزن وزیر محمد شہباز شریف ءِ سروکی جوانیں کشک ءَ روگ ءَ انت۔
