اسلام آباد۔7جنوری (اے پی پی): نائب مزن وزیر ءُ درئی کارانی وزیر سینیٹر محمد اسحاق ڈار ءَ پاکستان ءِ تر ءُ تاب کتگ ءُ ادا ڈونلڈ بلوم ءَ گوں برو پہ ھیری گند ءُ نند کتگ۔ درئی کارانی کارگس ءِ نیمگ ءَ جاڑی بوتگیں بیان ءِ رد ءَ نائب مزن وزیر ءَ سفیر ڈونلڈ بلوم ءَ را پاکستان ءَ وتی مدت ءِ سوبمندیں رنگ ءَ سرجم کنگ ءِ سر ءَ مبارک بات داتگ ءُ پاکستان ءُ امریکہ ءِ سیادی ءَ را مھکم کنگ ءَ آئی ءِ کرد ءَ را ساڑاتگ۔ آئی ءَ حکومت پاکستان ءِ نوکیں امریکی انتظامیہ ءِ گوما جوانیں سیادی برجاہ دارگ ءِ جزم ءِ درشان کت۔
