اسلام آباد۔7جنوری (اے پی پی): بنجاھی وزیر تجارت جام کمال خان یک روچ ءِ سرکاری تر ءُ تاب ءِ واستہ جنوبی کوریا ءَ سر بوتگ۔ سئے شمبے ءِ روچ ءَ وزارت تجارت ءِ نیمگ ءَ چہ جاڑی بوتگیں جار ءِ رد ءَ بنجاھی وزیر تجارت جام کمال خان ءَ را جنوبی کوریا ءَ آیگ ءِ سر ءَ پاکستانی سفارت خانہ ، ٹی آئی او ءُ پاکستان بزنس ایسوسی ایشن کوریا ءُ ایندگر مزنیں کارندہ آں آئی ءِ وش اتک کتگ۔ گلدستہ ءِ گوما پیش کنگ بیت۔ اے مراگش ءِ یادگاری گروپ فوٹو ھم کشگ بوتگ۔ وتی گوستگیں تر ءُ تاب ءِ ساھت ءَ بنجاھی وزیر کامرس پاکستان ءُ کوریا ءِ نیام ءَ اقتصادی شراکت داری ءِ معاہدے ءِ سر ءَ دستخط کنت ایشی ءَ چہ دو نیمگی تجارت ءِ کساس دوگنا کنگ ءِ گمان اِنت۔ بنجاھی وزیر تجارت کوریا ءِ وزیر تجارت ءُ ھاسیں سرمایہ کاراں گوں ھم گند ءُ نند کنت ءُ کوریا ءِ کمپنی آناں پاکستان ءَ سرمایہ کاری ءِ واستہ دعوت دیگ بیت جام کمال خان کوریا ءَ جاہ منندیں پاکستانی کارندہ، کوریا ءَ جاہ منندیں پاکستانی کاروباری مردم ءُ کمیونسٹ آنی گوما ھم گند ءُ نند کنت۔
