راولپنڈی۔7جنوری (اے پی پی): پاکستان کرکٹ بورڈ ءِ چیئرمین محسن نقوی ءَ گوں ہاکی ءِ لیجنڈز شہباز سینئر ءُ خواجہ جنید ءَ گند ءُ نند کتگ ءُ آئی سی سی چیمپئنز ٹرافی ٹورنامنٹ ءِ سر ءَ آئی ءِ اصولی موقف ءِ ستا کرتگ، پیسریگیں اولمپین ءَ گشتگ کہ ہمے رفتار ءِ وڑ ءَ۔ تو کرکٹ ءِ ڈھانچہ ٹھیک کتگ، ہاکی ءِ نظام ءَ ہمے سپیڈ ءَ ٹھیک کنگ لوٹیت۔ گند ءُ نند ءَ ہاکی ءِ گوازی ءِ دیمروئی ءِ واستہ پائیدار بنیاد ءِ سر ءَ گامگیج آنی سر ءَ ھیال ریچی کنگ بوت۔ چیئرمین پی سی بی ءَ ہاکی ءِ گوازی ءِ ھاتر ءَ ھرچ وڑیں کمک ءِ یقین دہانی کتگ۔ محسن نقوی ءَ گوشت کہ ھاکی پاکستان ءِ راجی لیب انت، پاکستانی ھاکی ٹیم ءِ شانداریں راجدپتر انت۔ پیسریگیں کپتان شہباز سینئر ءُ خواجہ جنید ءَ چیئرمین پی سی بی ءَ را جرمن ءُ نیدرلینڈ ہاکی کلب آنی تر ءُ تاب ءِ بابت ءَ سرپدی دات وھدیکہ مارچ ءَ جرمن نیشنل جونیئر ہاکی ٹیم ءِ پاکستان ءِ تر ءُ تاب ءِ بابت ءَ سرپدی دات۔
