اسلام آباد۔7جنوری (اے پی پی): مزن وزیر محمد شہباز شریف ءَ چین ءِ شہر شی ژانگ ءَ بوتگیں تباہ کنوکیں زمین چنڈ ءَ گران بھائیں جانی بیرانی ءِ سر ءَ چین ءِ صدر شی جن پنگ ءُ چین ءِ الس ءَ گوں یکوئی ، رنج ءُ گم ءُ اپسوز ءِ درشانی کتگ۔ سئے شمبے ءِ روچ ءَ “ایکس” ءِ سر ءَ وتی کلوہ ءِ تہ ءَ مزن وزیر محمد شہباز شریف ءَ گوشت کہ سرجمیں پاکستانی راج اے وئیل ءِ سر ءَ غم ءِ آماچ انت۔ آئی ءَ وئیل ءِ آماچیں مردم ءُ آہانی کھول ءِ گوما دلپدردی ءِ درشانی کتگ۔ مزن وزیر ءَ گوشت کہ پاکستان ءِ راج چین ءِ الس ءِ گوما اے غم ءُ مشکل ءِ ساھت ءَ یکوئی ءِ درشان ءَ کنت۔
