اسلام آباد۔7جنوری (اے پی پی): مزن وزیر محمد شہباز شریف ءَ گوشت کہ متحدہ عرب امارات ءَ 2 ارب ڈالر ءِ زرّ ءِ دیگ ءَ دیر کنگ ءِ واستہ ھما کساس ءَ کار کتگ امارات ءِ صدر ءَ پاکستان ءَ سرمایہ کاری ءِ ھوالگ ءَ وتی جزم ءِ درشانی کتگ۔ بجلی ءِ نرخاں کم کنگ ءِ واستہ دستیابیں آپشنز، برآمدات ءِ سروکی ءَ دیمروئی ءِ سر ءَ دلگوشی دیگ، انڈونیشیا ءِ صدر ءِ پاکستان ءِ تر ءُ تاب ءِ تیاری ءَ را گڈی رنگ دیگ ہاں، معیشت ءِ تہا استحکام آہگ ءَ انت، مارا زوت وتی جاہ رسیت۔ اے ھیالانی درشان مزن وزیر ءَ سئے شمبے ءِ روچ ءَ بنجاھی کابینہ ءِ دیوان ءَ گشتانک دیان ءَ کت اَنت۔ مزن وزیر ءَ گوشت کہ یک شمبے ءِ روچ ءَ رحیم یار خان ءَ متحدہ عرب امارات ءِ صدر شیخ محمد زاید ءِ گوما گند ءُ نند سک باز کارآمد ءُ جوانیں بوتگ، ایشی ءِ تہ ءَ وت مہ وتی سیادی ءَ را مھکم کنگ ءُ سرمایہ کاری ءِ تہ ءَ گیشی ءِ گامگیج آنی سر ءَ چار ءُ تپاسی کنگ بوتگ۔ من امارات ءِ صدر ءَ سرمایہ کاری ءِ تہ ءَ گیشی ءِ لوٹ کت، ایشی ءِ سر ءَ آئی ءَ وتی جزم ءِ درشان کت ءُ گوشت کہ آ پاکستان ءِ گوما وتی براتی راجدپتری سیادی ءَ را سک باز ارزشت ءَ دنت۔ مزن وزیر ءَ گوشت کہ آئی ءَ امارات ءِ صدر ءِ گوما یک پہ یک ءَ گند ءُ نند ھم کتگ۔ منی لوٹ ءِ رد ءَ 2 ارب ڈالر ءِ ادائیگی ءَ کہ جنوری ءَ دیگ بیت ، مہتل کنگ ءِ پیسلہ کتگ ۔ مزن وزیر ءَ کابینہ ءَ گوشت کہ تاں وھد ءَ بجلی ءِ نھاد کم مہ بیت زراعت، صنعت، برآمد کنگ ءُ تجارت ءَ را دیمروئی کت نہ کنت۔ گوستگیں ہفتگ ءَ بجلی ءِ نرخ ءِ کم کنگ ءِ بابت ءَ دیوان برجم دارگ بوتگ ات کہ ایشی ءِ تہا صوبہ آنی کمک ءَ بجلی ءِ نرخ ءِ کم کنگ ءِ آپشن آنی سر ءَ گپ ءُ تران کنگ بوتگ ات۔ اے ہفتگ ءَ پدا یک جامع دیوان ءِ برجم دارگ بیت کہ ایشی ءِ تہا دستیابیں آپشنانی سرا ھیال ءُ لیکہ کنگ بیت۔ مزن وزیر ءَ گوشت کہ نادراھی ءِ واستہ بجلی ءِ نہاد ءَ را کم کنگ سک باز المی انت۔ اے معاملہ آئی ایم ایف ءِ دیم ءَ برگ بیت۔ مزن وزیر ءَ “سمدا” ءَ را پاکستان ءِ دیمروئی ءُ وشھالی ءِ واستہ المی لیک اِتگ ءُ گوشت کہ اے معیشت ءِ دیمروئی ءِ واستہ ریڑھ ءِ ھڈ اِنت۔ بدقسمتی ءَ پیسر ءَ چہ ایشی ءَ بے ھیال بوتگ ءُ نوں بارے جوڑ بوتگ۔ من انوگیں وھد ءَ آئی ءِ دیوان ءِ دعوت داتگ۔ سمیدا ءَ بورڈ ھم نہ بوتگ نوں بورڈ سرجم بوتگ۔ فیڈریشن ایشی ءَ را صوبہ آں گوں یکجاھی ءَ یک سوبمندیں گلے جوڑ کنت، 15 جنوری ءَ اے درگت ءَ دگہ دیوان بیت۔ مزن وزیر ءَ کابینہ ءَ را گوشت کہ ٹیکسٹائل ءِ برآمدات ءَ گیشی بوتگ ایشی ءَ را وش آتک کنگ بیت، مارا برآمدات ءِ بنیات ءَ دیمروئی ءِ سر ءَ دلگوشی دیگی اِنت۔ ٹیکسٹائل روایتی برآمدات ءِ مستریں وسیلہ انت، مارا غیر روایتی وسیلہ آں ہم نل کنگی انت۔ مزن وزیر ءَ اے ماہ ءَ انڈونیشیا ءِ صدر ءِ پاکستان ءِ تر ءُ تاب ءِ بابت ءَ ھم کابینہ ءَ را سرپد کت ءُ گوشت کہ انچوش کہ مئے ملائیشیا ءِ گوما براتی سیادی است انت انڈونیشیا ھم مئے براتی ملک انت۔ انڈونیشیا ءِ گوما تجارت ءُ سرمایہ کاری ءَ را گیش کنگ ءِ ایجنڈا جوڑ کنگ بوھگ ءَ انت۔ انڈونیشیا ءِ صدر ءِ پاکستان ءِ تر ءُ تاب ءِ ساھت ءَ حلال گوشت، برنج ءُ ورگ ءِ تیل ءَ ہوار جتاجتائیں سامان آنی بیپاری ءِ ھوالگ ءَ پیشرفت بوت کنت۔ مزن وزیر ءَ لوئر کرم ءَ امن معاہدے ءَ پد معاہدے ءِ تہا تخریب کاری ءِ زھرناکیں کارروائی ءِ سرا زھر شانی کتگ ءُ کابینہ ءَ را ھال داتگ کہ اے وئیل ءَ یک ڈپٹی کمشنر ءِ سک ٹپیگ بوتگ ءُ علاج برجاہ اِنت آئی ءَ جان سلامتی ءِ دعا کتگ ءُ قربانی داتگیں شھید آناں شگر ءُ منت گپتگ۔ وتی زند ءِ سرا زھر شانی کتگ ءُ گْوشتگ کہ راج اے قربانیاں منّ اِیت۔ مزن وزیر ءَ کابینہ ءَ را انسانی دزگیری ءِ نا شریں کاروبار ءِ حلاف ءَ حکومتی گامگیج آنی بابت ءَ ھم سرپد کت۔ آئی ءَ گوشت کہ اے اسکینڈل سال آنی سال ءَ چہ برجاہ اِنت، گوستگیں لھتے سال آنی ساھت ءَ یونان ءَ بوتگیں وئیل آنی تہ ءَ سداں پاکستانی وتی جان ندر کتگ اَنت۔ حکومت انسانی سوداگری ءِ گر ءُ دار ءِ واستہ بے مٹیں کار کنگ ءَ انت۔ انسان سوداگری یک ملکے ءَ بدنام کنت۔ اے اسکینڈل ھلاس بیت۔ مزن وزیر ءَ گوشت کہ حکومتی گامگیج ءُ کوشست آنی پد ءَ معیشت ءِ تہ ءَ استحکام آھگ ءَ انت۔ اگاں تو ھمے شوق، محنت، لگن ءُ جزم ءَ گوں کار بہ کن ئے گڑا تو زوت وتی گاریں جاہ ءَ پدا زرت کن ئے۔
