اسلام آباد۔7جنوری (اے پی پی): کانود ءُ انصاف ءِ مشیر بیرسٹر عقیل ملک ءَ گشتگ کہ تبت ءَ بوتگیں ٹوھیں زمین چنڈ ءِ سبب ءَ گران بھائیں بنی آدم آنی بیرانی ءُ مزنیں کچے ءَ تباہی ءِ سبب ءَ پاکستان ءِ حکومت ءُ مہلوک سک دلپدرد انت۔ اپسوز ءِ درشان کنان ءَ ما اے گرانیں وھد ءَ چینی راج ءُ حکومت ءِ ھمراھی ءَ اوشتاتگیں ءُ بیران بوتگیں مردمانی واستہ دعا کن ایں ۔ سئے شمبے ءِ روچ ءَ وتی ٹویٹ ءِ تہ ءَ کانود ءُ انصاف ءِ مشیر بیرسٹر عقیل ملک ءَ گوشت کہ ما اے آزمائشی وھد ءَ چین ءِ اُلس ءِ جرات ءُ استقامت ءَ را سلام پیش کن ایں، زدگیں مردم آنی جان سلامتی ءُ تاوان آنی ھلاسی ءِ واستہ مئے نیکیں واھشت ءُ سرجمیں یکوئی اِنت۔
