اسلام آباد۔6جنوری (اے پی پی): بنجاھی سیکرٹری انفارمیشن اینڈ براڈکاسٹنگ عنبرین جان ءُ پاکستان ءُ بنگلہ دیش ءِ ہائی کمشنر اقبال حسن خان ءَ گند ءُ نند کت کہ ایشی ءِ تہا پاکستان ءُ بنگلہ دیش ءَ کمک ءُ راجی سیادی ءَ را دیمروئی دیگ ءِ راہ ءُ دراں گیشی کت۔ وزارت ءِ اھوالکاری ءُ نشریات ءَ برجم داشتگیں گند ءُ نند ءِ ساھت ءَ دوئیں نیمگ ءَ یکجائی دیمروئی ءُ دود ءُ ربیدگ ءِ ارزشت آناں پدر کنگ ءِ واستہ جوانیں شریکداری ءِ سر ءَ دلگوشی دات کہ ایشی ءَ چہ وت مہ وتی زانت ءُ سرپدی ءَ را مھکم کتگ۔ بنجاھی سیکرٹری انفارمیشن عنبرین جان ءَ گوشت کہ پاکستان ءُ بنگلہ دیش ءِ نیام ءَ دیریں سفارتی ءُ ثقافتی سیادی است انت ءُ دوئیں ملک آنی جتا جتائیں پڑ آنی تہ ءَ کمک ءِ یکجائی راجدپتر است انت۔ آئی ءَ پاکستان ٹیسٹ ویژن کارپوریشن، ایسوسی ایٹڈ پریس آف پاکستان ءُ ریڈیو پاکستان سمت سرکاری میڈیا ءِ وتی بنگلہ دیشی ھمکار آنی گوما یکجائی ءَ ھال آنی جوڑ کنگ ءُ شیئر کنگ ءِ سر ءَ زور پر دات۔ آئی ءَ اے گپ ءِ سر ءَ زور پر دات کہ جرنلسٹ ایکسچینج پروگرام پاکستان ءُ بنگلہ دیش ءِ میڈیا ءِ مردم آناں جتا جتائیں جیڈھ آنی سر ءَ یک دومی ءِ ھیال ءُ لیکہ آنی سر ءَ جوانیں رنگ ءَ سرپد بوھگ ءِ موہ دات کنت۔ بنگلہ دیش ءِ ہائی کمشنر اقبال حسنر خان ءَ دوئیں ملک آنی نیام ءَ دو نیمگی کمک ءِ واستہ پاکستان حکومت ءِ نیمگ ءَ چست کتگیں گامگیج آناں ساڑات۔ دوئیں ملک آنی اُلس ءَ را برات ءِ رنگ ءَ گوشتگ آئی ءَ گوشت کہ یکجائی کمک پروگرام آنی وسیلگ ءَ ایشانی رابطہ دوئیں ملک آناں نزیک کنت۔ دوئیں فریق آنی نیام ءَ بنگلہ دیش ءَ کابلم نیٹو ورکس ءِ سر ءَ پاکستانی ھال ءُ اھوال چینل آنی دستیابی ءَ را گیش کنگ ءُ فلمی فوٹوگرافی ءُ فوٹو گرافی ءِ نمائش آنی برجائی ءِ سر ءَ ھم گپ ءُ تران کنگ بوت۔
