اسلام آباد۔6جنوری (اے پی پی): مزن وزیر محمد شہباز شریف ءَ بنی آدم آنی شپوکی کنگ ءِ کار ءَ گوں دست مانجنیں سرکاری کارندہ آنی ھلاپ ءَ کاروائی کنگ جوانیں ھبر اِت، اے ءَ توسیپ ءُ ستا پیش کت۔ اے کار ءَ گوں دست مانجنیں مردم آنی ھلاپ ءَ ترندیں گامگیج کنگ بہ بیت۔ مزن وزیر ءَ انسانی دزگیری ءَ گوں بندوکیں سرکاری کارندہ آنی حلاف ءَ ایف آئی اے ءِ نیمگ ءَ کتگیں گوستگیں گامگیج آناں ساڑاتگ ءَ گوشت کہ انسانی دزگیری ءَ را آسراتی دیوکیں سرکاری کارندہ آنی ھلاپ ءَ پسوئی کارروائی آنی انوگیں بندات ءَ را وش اتک کنگ بیت۔ مزن وزیر ءَ پنت ءُ شون کت کہ ادائیگی ءَ پد آسراتی دیوک آنی حلاف ءَ سکیں سزای گامگیج چست کنگ بہ بنت، ملک ءَ انسانی سوداگری ءِ توامیں گل آنی حلاف ءَ سکیں کانودی کاروائی کنگ بہ بیت تانکہ آ سبق جوڑ بہ بنت۔ مزن وزیر ءَ پرمان داتگ کہ انسانی سوداگر آنی جائیداد ءُ اثاثہ آناں ضبط کنگ ءِ واستہ ترندی ءَ گوں کانودی کارروائی کنگ بہ بیت ءُ اے زھرناکیں کاروبار ءَ ھواریں درستیں مردمانی حلاف ءَ پراسیکیوشن ءِ عمل گیش موثر جوڑ کنگ بہ بیت ءُ وزارت کانود ءُ انصاف ءِ گوما شور ءُ سلاھ ءَ پد کنگ بہ بیت۔ بُرزتریں تک ءِ وکیلاں گوں شور ءُ سلاہ کنگ بہ بیت، درئی کارانی کارگس ءَ گوں سیادی داروکیں ملکاں رابطہ بہ کنت کہ آ پاکستانیانی ھلاپ ءَ کارروائی بہ کن اَنت کہ آ یک ملکے ءَ چہ دومی ملک ءَ انسانی سوداگری ءِ کاروبار ءَ کنگ ءَ اَنت ءُ آیاناں پاکستان زوتاں چہ زوت حوالہ کنگ ءِ بابت ءَ گامگیج بہ زوریت۔ آئی ءَ وزارت داخلہ ءِ کمک ءَ وزارت ءِ اطلاعات ءُ نشریات ءَ را ھم پنت ءُ شون کتگ کہ آ درملک ءَ روزگار ءِ واستہ ایوک ءَ قانونی چینل آنی گچین کنگ ءِ بابت ءَ الس ءِ تہ ءَ سرپدی مہم ءِ برجم دارگ بہ بیت۔ مزن وزیر ءَ گوشت کہ ملک ءَ اے وڑیں تربیتی ادارگ آناں دیمروئی دیگ بہ بیت کہ آ وھد ءِ لوٹ آنی رد ءَ سرٹیفائیڈ ءُ منظور کنگ بہ بنت۔ ملک ہنرمندیں نیروی انسانی دات کنت۔ آئی ءَ اے ھم پنت ءُ شون کت کہ یک ملکے ءَ روگ ءِ مردمانی اسکریننگ ءِ عمل ءَ را بالی پٹ آنی سر ءَ گیش موثر جوڑ کنگ بہ بیت۔ گند ءُ نند ءَ مزن وزیر ءَ را ملک ءَ انسانی دزگیری ءِ ھلاپ ءَ چست کتگیں گامگیج، آسراتی ءِ کارندہ آنی ھلاپ ءَ کانود ءِ کارروائی ءُ انسانی دزگیری ءِ ھلاسی ءِ واستہ کانود سازی ءِ ھوالگ ءَ سرپد کنگ بوت۔ گند ءُ نند ءَ وفاقی وزیر ءِ اھوالکاری ءُ نشریات عطا اللہ ترار، کشمیر ءُ گلگت بلتستان ءِ وفاقی وزیر، انجینئرنگ کمشنر ءُ سیادی داروکیں ادارگ آنی مزنیں افسر آں شریک کت۔
