احسن اقبال ءَ گوشت کہ ریلوے اسٹیشن ءَ چہ سیالکوٹ گیٹ ءَ تاں یکجاھیں سڑک ءِ جوڑ کنگ ءَ چہ تجارتی کار آنی تہ ءَ گیشی کیت

نارروال۔5جنوری  (اے پی پی):منصوبگ بندی، دیمروئی ءُ ھاسیں گامگیج آنی بنجاھی وزیر احسن اقبال ءَ گوشت کہ مسلم لیگ ن ءَ مدام السی دیمروئی ءِ واستہ منصوبگ داتگ، درملکی طاقت پاکستان ءَ را نزور کنگ لوٹ اَنت، مارا یکجا بوھگی اِنت، امن اِنت۔ دیمروئی ءِ استحکام ءُ تسلسل ءِ برجائی ءِ واستہ المی انت، اودان پاکستان منصوبہ معیشت ءَ را نوکیں رھشونی دنت۔ اے ھیالانی درشانی آئی ءَ ریلوے اسٹیشن ءَ چہ سیالکوٹ گیٹ ءَ یکجاھیں سڑک ءِ جوڑیشت ءِ بُن ھشت ایر کنگ ءِ مراگش ءَ گشتانک دیان ءَ کت۔ بنجاھی وزیر ءَ ریلوے اسٹیشن ءَ چہ سیالکوٹ گیٹ ءَ تاں یکجاھیں سڑک ءِ جوڑیشت ءِ منصوبگ ءِ بنگیج کت کہ سڑک ءِ کلیں دراجی 1.54 کلومیٹر اِنت، منصوبگ ءِ ھرچ 200ملین بیت، منصوبگ پنچ ماہ ءِ وھد ءَ سرجم کنگ بیت۔ .تعمیر ءِ تہا چوڑائی ءِ گیش کنگ ءُ گٹر ءِ نظام ءَ را گہتر کنگ ھوار اِنت۔ اے موہ ءِ سر ءَ مراگش ءَ گوں گشتانک دیان ءَ احسن اقبال ءَ گوشت کہ سڑک ءِ جوڑ کنگ ءَ چہ ٹریفک ءِ جیڈھ گیش بنت ءُ سکھ زیارتی آنی واستہ کرتار پور ءَ سر بوھگ آسان بیت آئی ءَ گوشت کہ تحریک انصاف ءِ گوست ءِ سرکار ءَ سرکاری منصوبگ آنی بند کنگ ءَ مہنگائی ءُ تنگدستی آؤرتگ۔ ، مسلم لیگ ن پاکستان ءَ را دیمروئی، روزگار ءُ وشھالی دنت، انوگیں حکومت ءِ اودان پاکستان ءِ منصوبگ ءَ چہ پاکستان 2029 ءَ تاں ترندیں دیمروئی کنوکیں معیشت آنی تہ ءَ ھوار بیت۔ من گیش کناں، آئی ءَ گوشت کہ مرچیگیں ناروال دیمروئی ءِ مثال اِنت، ما 2008 ءِ پدمنتگیں ناروال ءَ را دیمروئی کتگیں ضلع ءِ رنگ ءَ بدل کتگ۔ گشتانک ءَ پد میڈیا ءَ گوں تران کنان ءَ بنجاھی وزیر احسن اقبال ءَ گوشت کہ تحریک انصاف ءِ سروکی مزنیں جرم آنی تہ ءَ ھوار اِنت، بانی تحریک انصاف ءَ ھوار ایندگر سروک آناں کیس آنی دیمپانی کنگی اِنت یک جست ءِ پسو ءَ بنجاھی وزیر ءَ گوشت کہ اے منصوبگ ءِ تہ ءَ . ناروال ءَ تجارتی کاروائیاں گیش کنگ ءُ دمگ ءَ وشھالی آرگ بیت۔