مزن وزیر محمد شہباز شریف ءَ اولی رند ءَ ملک ءِ معیشت ءَ را دیوالیہ کاری ءَ چہ رکینتگ، نوں استحکام ءِ نیمگ ءَ روگ ءَ اِنت، بدترین مخالفین ءِ دپ ءَ چہ معیشت ءِ گہتری ءِ منگ مئے بیانیہ ءِ راستی ءِ یک ھاسیں ثبوتے، رانا تنویر حسین

اسلام آباد/شیخوپورہ۔5جنوری  (اے پی پی):صنعت ءُ پیداوار ءِ بنجاھی وزیر رانا تنویر حسین ءَ گشتگ کہ مزن وزیر محمد شہباز شریف ءَ اولی رند ءَ ملک ءِ معیشت ءَ را دیوالیہ کاری ءَ چہ رکینتگ، نوں آ استحکام ءِ نیمگ ءَ روگ ءَ انت، بدترین مخالفین ءِ دیم ءَ۔ 2015ءَ چہ اقتصادی گہتری ءِ منگ مئے بیانیہ ءِ راستی ءِ یک مزنیں ثبوتے، مئے ٹارگٹ 2030ءَ تاں 6درسد ءِ دیمروئی ءِ شرح ءُ برآمدات ءَ را 60ارب ڈالر ءَ سر کنگ اِنت۔ اے ھیالانی درشانی بنجاھی وزیر رانا تنویر حسین ءَ شیخوپورہ ءِ تحصیل مریڈکے ءَ میڈیا ءَ گوں تران کنان ءَ کتگ۔ آئی ءَ گوشت کہ مزن وزیر محمد شہباز شریف ءِ سروکی ءَ کسان ءُ میاں اوستمانی کاروباری دیمروئی ادارگ ءِ واستہ یک مزنیں ءُ آسانیں پروگرام ءِ آرگ ءَ انت، کسانیں ءُ درنیامی کاروبار ملکی معیشت ءِ ریڑھ ءِ ھڈ انت ایشی ءِ واستہ آ آرگ ءَ انت۔ دو ماہ ءِ واستہ یک انقلابی پروگرامے ءِ سرا کار کنگ بوتگ۔ بنجاھی وزیر ءَ گوشت کہ 2030ءَ تاں مئے مول ءُ مراد ایش انت کہ شرح ءَ را 6درسد ءَ سر کنگ ءُ برآمدات ءَ را 60ارب ڈالر ءَ سر کنگ بہ بیت۔ آئی ءَ گوشت کہ مزن وزیر محمد شہباز شریف ءَ وتی اولی حکومت ءِ دور ءَ ملک ءِ معیشت دیوالیہ بوھگ ءَ چہ رکینتگ، نوں اے استحکام ءِ نیمگ ءَ روگ ءَ انت۔ آئی ءَ گوشت کہ بدترین مخالف آنی دپ ءَ چہ اقتصادی گہتری ءِ منگ مئے بیانیہ ءِ راستی ءِ یک ھاسیں ثبوت اِنت رانا تنویر حسین ءَ گوشت کہ 9 مئی ایوک ءَ سیاسی ناشرکاری نہ بوتگ بلکیں یک سرکشی یے بوتگ، 2019 ءِ ادارگ آنی سر ءَ اُرش ءِ ذمہ وار اِنت۔ راجی یکوئی ءُ فیڈریشن ءِ سرا آ ہر حال ءَ سزا دیگ ءِ مستحق انت۔