اسلام آباد۔4جنوری (اے پی پی):مسلم لیگ ءِ سروک، سینیٹ ءِ تہا مسلم لیگ ءِ پارلیمانی پارٹی ءِ سروک ءُ سرکاری مذاکرات کمیٹی ءِ جارکش سینیٹر عرفان صدیقی ءَ گشتگ کہ پی ٹی آئی ءَ وتی لوٹ باقاعدہ نبشتہ کتگ انت انچوش کہ وعدہ کتگ۔ پیش نہ کن اِت، مذاکرات ءِ عمل ءَ مشکلات بوت کنت 12 روچ ءَ پد ھم ما یک انچے دیم ءَ روگ ءَ سوبین نہ بوتگیں بلے پی کنگ ءَ اَنت۔ ٹی آئی ، دوئیں اعلامیہانی تہا داتگیں وعدہانی برخلاف ، انگت ءَ ‘چارٹر آف ڈیمانڈز’ ءِ نبشتہ دروشم ءَ پیش کنگ ءَ ہچکسگ ءَ اِنت یا نہ۔ اے ھیالانی درشانی آئی ءَ نجی ٹیلی ویژن چینل (ڈان) ءَ گوں تران کنان ءَ کت انت۔ یک جستے ءِ پسو ءَ آئی ءَ گشتگ تحریک انصاف ءَ 23دسمبر ءَ اولی دیوان ءَ وعدہ کتگ ات کہ آ وتی لوٹاں نبشتہی دروشم ءَ مئے دیما ایر کنت۔ یکجاھیں جار ءِ تہ ءَ اے گپ ھم گْوشگ بوتگ بلے 2 جنوری ءَ اے لوٹ پیش کنگ نہ بوتگ اَنت۔ مارا گشگ بوت کہ تحریک انصاف ءِ ٹیم ءَ را دگہ موہ دیگ بہ بیت کہ آ عمران خان ءَ گوں شور ءُ سلاہ ءُ رہشونی بہ کنت دانکہ ما نبشتہی لوٹاں گڈی رنگ ءَ بہ کنیں۔ ما اے گپ من اِت بلے اگاں نبشتھی ‘چارٹر آف ڈیمانڈز’ سیمی دیوان ءَ ھم پیش نہ کنگ بہ بیت گڑا گپ ءُ تران ءِ عمل ءَ را تاوان رسیت۔ یک جستے ءِ پسو ءَ سینیٹر عرفان صدیقی ءَ گشتگ سیاسی بندیگ بوہگ ءِ سیادی گوں مردم ءِ پجار ءَ نہ انت بلکیں جرم ءِ دروشم ءَ گوں بندوک انت من ءَ سیاسی بندیگ گشگ نہ بیت۔ صدر ءَ ھم چوشیں استثنیٰ نہ رسیت۔ عرفان صدیقی ءَ گشتگ تحریک انصاف ءَ جوڈیشل کمیشن جوڑ کنگ ءَ ابید عمران خان ءُ اے دگہ بندیانی یلہ کنگ ءِ لہتیں لوٹ کتگ ۔ مئے 45 بیگواھیں مردمانی شوھازگ ءِ ھم لوٹ کنگ بوتگ۔ وھدے ما اے 45 مردمانی نام، پجّار ءُ پجار ءِ بابت ءَ جُست کُت گڑا مارا گْوشگ بوت کہ آھانی گور ءَ چوشیں ھچ وڑیں لسٹ نیست شما مارا گْوش اِت کہ پی ٹی آئی وت ھما مردمانی نام ءُ پجّار ءَ نہ زانت، سرکار چوں آیانی پجّار ءَ کنت۔ ؟ سینیٹر عرفان صدیقی ءَ گشتگ کہ ما تحریک انصاف ءَ چہ ہچ وڑیں لوٹ نہ کتگ ۔ مدنی نافرمانی ءِ کال ءَ پچ گرگ ءَ ھم نہ گُشت۔ منی زانتکاری ءِ رد ءَ سرکار یا دگہ ادارہ ءِ نیمگ ءَ عمران خان ءَ چہ اڈیالہ جیل ءَ بانیگالا یا دگہ جاہے ءَ دیم دیگ ءِ ھچ وڑیں پیشکش نہ بوتگ ءُ نہ کہ ھچ وڑیں متوازی یا پُشت ءِ گپ ءُ تران ءِ عمل برجاہ اِنت۔ عرفان صدیقی ءَ گشتگ سیمی گپ ءُ تران دیوان ءِ روچ تحریک انصاف ءِ نیمگ ءَ دیگ بیت ۔
