اسلام آباد۔4جنوری (اے پی پی):مزن وزیر ءِ تجارت ءُ صنعت ءِ کوآرڈینیٹر رانا احسان افضل ءَ گشتگ کہ پاکستان تحریک انصاف ءِ گوما جاری گپ ءُ تران ءِ تہا ہچ وڑیں پیشرفت نہ بوتگ پرچا کہ گند ءُ نند گوستگیں روچ ءَ بوتگ۔ مطالبات پیش نہ کت کنت۔ شمبے ءِ روچ ءَ یک انٹرویو ءِ تہ ءَ آئی ءَ گوشت کہ حکومت ءَ جمہوریت ءِ دیمروئی ءِ واستہ گپ ءُ تران ءِ عمل بندات کتگ ءُ بنداتی گپ ءُ تران ءِ ساھت ءَ تحریک انصاف ءِ گوما دو ھاسیں گپ آنی سر ءَ تپاک کتگ۔ آئی ءَ گیش کرتگ کہ پی ٹی آئی ءَ وتی لوٹ پیش کنگی اَنت ءُ آئی ءِ گپ ءُ تران ءِ ٹیم ءَ را گیشیں رہشونی ءِ واستہ بانی ءَ گوں شور ءُ سلاھ کنگی اِنت۔ رانا احسان افضل ءَ گوشت کہ بانی ءَ گوں شور ءُ سلاھ کنگ ءَ ابید پی ٹی آئی ءِ ٹیم وتی لوٹ آنی سر ءَ ھلاس کنگ یا پیش کنگ ءَ ناکام بوتگ آئی ءَ پی ٹی آئی ءِ سر ءَ الزام جتگ کہ آ ملک ءَ را اقتصادی استحکام ءِ راہ ءَ چہ کشگ ءِ کوشست ءَ کنگ ءَ اِنت، وھدے کہ دومی نیمگ ءَ حکومت اے گپ ءَ را دل یکیمی کنگ ءَ اِنت۔ پاکستان ءَ را اقتصادی ءُ سیاسی بے رھبندی ءَ چہ در کنگ ءِ ھاترا یک جامع حکمت عملی ءِ چیر دستی ءَ گامگیج زورگ ءَ انت۔ حکومت ءِ اقتصادی سوبمندی آنی سر ءَ چمشانک دیان ءَ آئی ءَ گوشت کہ افراط زر یکیں ہندسہ ءَ اتکگ وھدیکہ ریفلیکس ءِ تہ ءَ زرّ ءِ دیم دیگ ءُ برآمدات ءِ تہ ءَ ھم گیشی بوتگ۔ رانا احسان افضل ءَ اے باور ءِ ھم درشان کت کہ حکومت ءِ دلگوش اقتصادی برجائی ءُ راجی دیمروئی ءِ سر ءَ اِنت ءُ ملک ءَ را ریل ءَ چہ کشگ ءِ ھرچ وڑیں کوشست سوبمند نہ بیت۔
