اسلام آباد۔4جنوری (اے پی پی):صدر آصف علی زرداری ءَ لوئر کرم ءَ گاڑی آنی کاروان ءِ سر ءَ تیرگواری ءِ سک باز مذمت کتگ ءُ گوشت کہ بدکار الس ءِ دژمن اَنت ءُ آشوب ءِ شنگ کنگ لوٹ اَنت اے کار ءَ سوبمند مہ کن اِت۔ شمبے ءِ روچ ءَ صدر ءِ مملکت ءِ پریس ونگ ءِ نیمگ ءَ جاڑی بوتگیں بیان ءِ تہ ءَ صدر ءِ مملکت ءَ کرم ءَ امن ءِ کوشست آناں تاوان داتگیں مردمانی ھلاپ ءَ سکیں گامگیج ءِ ضلورت ءِ سر ءَ زور پر دات۔ صدر ءِ مملکت ءَ گوشت کہ شیطانی عناصر الس ءِ دژمن اَنت ءُ بدمعاشی ءِ شنگ ءُ تالان کنگ لوٹ اَنت، الس شیطانی عناصر ءَ را وتی ناپاکی ءِ مول ءُ مراد آنی تہ ءَ سوبمند کنگ ءَ مہ دنت۔ صدر آصف علی زرداری ءَ ڈپٹی کمشنر ءَ ھوار تیرگواری ءِ آسر ءَ ٹپی بوتگیں مردمانی زوت جان سلامتی ءِ واستہ ھم دعا کتگ۔
